Bertsoak - Fitxa ikusi   Atal honi buruz gehiago jakiteko

1998-09-11 Donostia Jaialdia [Bertsoa] / Jexux Mari Irazu Muñoa, Jokin Sorozabal

Bertsoa entzun  

Informazio orokorra

Kategoria
Bat-batekoa
Saioa
1998-09-11 Donostia Jaialdia
Gai-jartzailea
Madariaga, Joxepa
Bertsolariak / Egileak
Irazu Muñoa, Jexux Mari
Sorozabal, Jokin
Lana
Binaka gaia-emanda
Jarritako gaia
Jatetxeetan kontua ordaindu eta beti uzten du Irazuk propinaren bat, ohitura hori du. Sorozabalek sekula ez. Elkarrekin afaldu duzue; kontua ekarri eta ordaintzeko garaia iritsi da eta eztabaidan hasi zarete.

Deskribapena

Doinua
Zeru altuan zegoen Jaunak
Neurria / Estrofaren izena
Zortziko handia (hg) / Lau puntuko handia (ip)

Kokapena

Kokapena
XDZ - Xenpelar Dokumentazio Zentroa
Bilduma / Funtsa / Proiektua
Bapatean Bilduma

1998-09-11 Donostia Jaialdia [Bertsoa] / Jexux Mari Irazu Muñoa, Jokin Sorozabal

Neurria:  Zortziko handia (hg) / Lau puntuko handia (ip) 
Kokapena:  XDZ - Xenpelar Dokumentazio Zentroa 

Irazu:
Pate goxoak ta ganba batzuk
ez genitun apartian;
esparrago ta urdaiazpiko
ez zan guretzat kaltian;
gero xapua eta txuleta,
oain gaude tripa betian;
borondatea utzi behar da
ondo jandako tokian.

Sorozabal:
Xapua eta txuletarekin
gelditu naiz asetuta.
Nik propinarik ez det utzi nahi,
halaxe nago ohituta;
sukaldaria pozik jartzen da
jana dena bukatuta,
nahiko propina utzi diogu
dena garbitu degu-ta!

Irazu:
Baina halare ideia ona
ez zait gero iruditu!
Barrua ondo betia degu,
ezin zait gehio kabitu.
Hogei duroren gorabeherakin
zertan hainbeste nozitu?
Pagatu berdin pagatzen dezu
ta askoz hobe gelditu.

Sorozabal:
Ni oso gutxi kezkatzen nauen
gauza da ba imajina;
eta propina utzi behar hori
a ze ohitura ziztrina!
Batzuentzako propina hartzea
izan leike atsegina,
beste askok berriz aldez aurretik
kobratzen dute propina.

Irazu:
Tabernara jun ta bezeruak
hori da hori itxura!
Ez dakit nola ekarri deten
gisa hontako lekura?
Hogei duruko txanpona bota
plateratxoan barrura
eta erronda edango degu
gero tabernan kontura.

Sorozabal:
Hain esku zabal zirenik hauek
nik ez nuen ba espero,
baina oraindik propina ematen
ez naiz jarri horren bero.
Erronda hori hartu dezagun
ohitura duten ezkero
eta propina utziko diot
zer den ikusi ta gero.

Datu-base honetan eskainitako informazioari buruz jakiteko, kontsultatu lege oharra