Bertsos - Ver ficha Más información sobre esta sección
1998-04-24 Lazkao Jaialdia [Bertsoa] / Imanol Lazkano, Jon Maia
| Bertsoa entzun |
1998-04-24 Lazkao Jaialdia [Bertsoa] / Imanol Lazkano, Jon Maia
Nombre de la estrofa:
Zortziko txikia (hg) / Lau puntuko txikia (ip)
Localización:
XDZ - Xenpelar Dokumentazio Zentroa
Maia:
Betiko topikoa
nahi genuke hautsi
ta aitaren aurrian
hartzen det lizentzi;
mila peztan kontua
nahi det erakutsi:
ematekotan nahiko
hartzekotan gutxi.
Lazkano:
Seme suabeago
astindu mingaina,
hamasei urte degu
hain adin labaina;
ia bi metro luze
bazerade baina
mila pezeta bada
zuretzako aina!
Maia:
Aita aitzaki kontuan
izaten da maisu,
baina berriro ere
pasa zera aizu;
bi metro ditudala
esaten didazu,
metroko milako bat
ekarri zaidazu.
Lazkano:
Horretan luzerorik
nei ez zait ajola,
formal ibili zaitut
ahal bada inola;
bokadillo eder bat,
hiru Coca-Cola,
seme formal askoa
izan leike hola!
Maia:
Berriro bota dezu
aitzaki bikaina,
arrazoiari ezin
harturik tamaina;
garai batean asko
mila alajaina,
baina gaur egun ez da
pipetako aina!
Lazkano:
Seme ni gaur zurekin
ezin errukitu;
aita baten langintzak
nahi ditut kunplitu;
esaera zaharrikan
ez al dezu aditu?
Diruak gizon denak
hondatutzen ditu.
Maia:
Hondatutzia da bai
orain nahi detena
ta erakutsiko det
nere ahalmena;
ez det kunplitu behar
aitaren ordena;
eskerrak hemen dudala
lapurtzen detena!
Lazkano:
Aita ona izaten
ez dago samurra,
nere ilusioak
orain jo du lurra;
lehen ere banedukan
nahikoa bildurra,
aingeru zala uste
ta seme lapurra!