Bertsos - Ver ficha Más información sobre esta sección
Zaintza partekatua [Bertsoa] / Nahikari Ayo
Zaintza partekatua [Bertsoa] / Nahikari Ayo
Nombre de la estrofa:
Hamarreko txikia (hg) / Bost puntuko txikia (ip)
Dokumentu-mota:
Hemeroteka (Aldizkari eta Egunkariak)
Argitalpenaren izenburua:
Uk [Aldizkaria] Argitalpen data:
2011-12-21
Localización:
XDZ - Xenpelar Dokumentazio Zentroa
Haurra hemen daramat
aulkian sartua.
Hor bertan ikusi dut
horman margotua:
“zaintza partekatua”
omen da hautua.
Saman sortu egin zait
korapil estua…
Beti_izaten delako
haurra kaltetua.
Aita-ama artean
arazo andana,
banandu egin ginen
alboratuz dana.
Geroztik aitarentzat
izan zara “zama”.
Baina_ez zaitez kezkatu,
ahaztu iragana:
ez zaizu_inoiz faltako
zure_ondoan ama.
Nahiz aita maiz izan den
arduragabea,
biekin izatea
litzake hobea.
Zoriontsu izan zaitez,
da nire eskea,
Badakit daukazula
barruan gordea
beharrezkoa duzu
aita izatea!