Bertsos - Ver ficha Más información sobre esta sección
Eskeko autonomoa [Bertsoa] / Josu Arroyo
Eskeko autonomoa [Bertsoa] / Josu Arroyo
Nombre de la estrofa:
Hamarreko handia (hg) / Bost puntuko handia (ip)
Dokumentu-mota:
Hemeroteka (Aldizkari eta Egunkariak)
Argitalpenaren izenburua:
Uk [Aldizkaria] Argitalpen data:
2012-07-24
Localización:
XDZ - Xenpelar Dokumentazio Zentroa
Ezer gutxi du sinesgarritik
bankuen konpromisoak,
gezurrez hustu dituzte eta
bezeroen poltsikoak.
Saxofonistak pentsatuko du:
“zer ote dakar geroak?”
Martxa honetan segituz gero,
goia joko du gremioak:
makinatxo bat izango dira
eskeko autonomoak.
Normalena da bankuen berbak
zaborretan bukatzea;
hartatik urrun, kaleko artistak
musikan du aterpea.
Haren aukera, kale gorria
doinu goxoz betetzea.
Gerta liteke gehientsuenok
ez-ikusi egitea…
Maleta hutsik izanagatik,
alde dauka adorea.
Atzo fabrika itxi dutela,
gaur beste bi, bihar hamar…
Daukagun horri duin eusteko
denok ere larri samar.
Eta guztia galduta ere,
berriro altxatu behar.
Saxofonistak kantoi hobe bat
topatu beharko du bihar…
Musikak behintzat emango ahal dio
bizitzeko beste indar!