Bertsos - Ver ficha Más información sobre esta sección
2017-11-04 Maule-Lextarre Txapelketa [Bertsoa] / Beñat Gaztelumendi, Nerea Ibarzabal
| Bertsoa entzun |
2017-11-04 Maule-Lextarre Txapelketa [Bertsoa] / Beñat Gaztelumendi, Nerea Ibarzabal
Nombre de la estrofa:
Zortziko handia (hg) / Lau puntuko handia (ip)
Localización:
XDZ - Xenpelar Dokumentazio Zentroa
B. Gaztelumendi:
Etorri gera hilerrira ta
urteroko istoria
hango larrosa gorria eta
hango krabelin horia!
Ia ahaztuta utzia dago
maitearen hilobia
egutegiak bezain ahula da
jendearen memoria.
N. Ibarzabal:
Baina nik drama kendu nahi diot
egoerari dena den
pertsona hauek hil ziren baina
benetan ez daude hemen
eta askotan esanda nola
gure bihotzetan dauden
oindik ez dakit azaroan batez
zergatik etortzen garen.
B. Gaztelumendi:
Ba maiteari nahi zaiolako
maitasuna erakutsi
etortzen dira bai beren lore
beren malko beren untzi
hemen ezin da urtean behingo
data ahazturan utzi
ohitura asko baitauzkagu guk
eta sentimentu gutxi.
N. Ibarzabal:
Baina zergatik etorri gorpu
hotz baten aldamenera
nahiz ondo jakin hauxe dugula
gu guztion amaiera
egun denetan aurrera egin
ta oroitzea hobe da.
Bizitza ez al zen ba handiena?
Bota ustelak lurpera.
B. Gaztelumendi:
Beraz ustelak bere lurpetik
behar omen du igaro
protokoloak agintzen digu
hori nahiko argi dago.
Heriotzaren aurrean nola
sentitzen naizen arraro
nik errausteko eskatuko det
usteldu baino lehenago.
N. Ibarzabal:
Heriotzean pentsatzeak on
egin dezake tarteka
imajinatuz zure nitxoak
errautsak edo hileta
baina mugatu bizi gara hemen
ta ez eman hainbeste buelta
erraustuta ere gu berdin-berdin
ahaztuko gaituzte eta.