Bertsos - Ver ficha Más información sobre esta sección
2019-12-14 Donostia Txapelketa [Bertsoa] / Beñat Gaztelumendi, Beñat Lizaso
| Bertsoa entzun |
2019-12-14 Donostia Txapelketa [Bertsoa] / Beñat Gaztelumendi, Beñat Lizaso
Nombre de la estrofa:
Zortziko txikia (hg) / Lau puntuko txikia (ip)
Localización:
XDZ - Xenpelar Dokumentazio Zentroa
B. Gaztelumendi:
Gaia aukeratzeko
problema daukat nik
Beñat, hasia nago
nazkatzen jadanik
beti daukazu zerbait
edozer esanik
ia ez det sinisten
lagunak geranik. (bis)
B. Lizaso:
Barka baina ez nago
hori pentsatuta
hizketan hasten zera
erabat galduta
zure hizketa mota
kontuan hartuta
dena baldin badakit
ez da nere kulpa. (bis)
B. Gaztelumendi:
Ez, ez dakizu dena
ezin da horrela
baina txapa daukazu
galanta, itzela
jakinda normalean
luzerako dela
egiten det entzungo
banizu bezela. (bis)
B. Lizaso:
Ni’re ez nago zure
asmoak hausteko
baina asko falta zaizu
globoak puzteko
asmo txarra dedanik
ez dezu usteko
zu besten aurrean gaizki
gero ez uzteko. (bis)
B. Gaztelumendi:
Beraz ni zaintzea da
zuk daukazun plana
ikasten egin dezu
sekulako lana
badaukazu azalpen
ta kontu andana
gero zu zera gaizki
geratzen zerana. (bis)
B. Lizaso:
Gero pasako dena
neretzat hor konpon!
Baina nola kontua
gure esku dagon
Beñat, uste det bioi
eingo digula on
ni hasiko naiz eta
zu isilik egon. (bis)