2019-12-14 Donostia Txapelketa [Bertsoa] / Beñat Gaztelumendi, Beñat Lizaso

Gaztelumendi eta Lizaso lagunak zarete. Zuk, Gaztelumendi, zerbait esaten duzunean, edozein gai dela ere, Lizasok beti gehitu behar izaten du azken hitza.

Description

Melody

Orioko balearena

Stanza name

Zortziko txikia (hg) / Lau puntuko txikia (ip)

Bertso kopurua

Localization

Localization: XDZ - Xenpelar Dokumentazio Zentroa
Collection / Fond / Project: Txapelketetako Bilduma

2019-12-14 Donostia Txapelketa [Bertsoa] / Beñat Gaztelumendi, Beñat Lizaso

Stanza name: Zortziko txikia (hg) / Lau puntuko txikia (ip)
Localization: XDZ - Xenpelar Dokumentazio Zentroa

B. Gaztelumendi:
Gaia aukeratzeko
problema daukat nik
Beñat, hasia nago
nazkatzen jadanik
beti daukazu zerbait
edozer esanik
ia ez det sinisten
lagunak geranik. (bis)

B. Lizaso:
Barka baina ez nago
hori pentsatuta
hizketan hasten zera
erabat galduta
zure hizketa mota
kontuan hartuta
dena baldin badakit
ez da nere kulpa. (bis)

B. Gaztelumendi:
Ez, ez dakizu dena
ezin da horrela
baina txapa daukazu
galanta, itzela
jakinda normalean
luzerako dela
egiten det entzungo
banizu bezela. (bis)

B. Lizaso:
Ni’re ez nago zure
asmoak hausteko
baina asko falta zaizu
globoak puzteko
asmo txarra dedanik
ez dezu usteko
zu besten aurrean gaizki
gero ez uzteko. (bis)

B. Gaztelumendi:
Beraz ni zaintzea da
zuk daukazun plana
ikasten egin dezu
sekulako lana
badaukazu azalpen
ta kontu andana
gero zu zera gaizki
geratzen zerana. (bis)

B. Lizaso:
Gero pasako dena
neretzat hor konpon!
Baina nola kontua
gure esku dagon
Beñat, uste det bioi
eingo digula on
ni hasiko naiz eta
zu isilik egon. (bis)

BDB Bertsolaritzaren datu-basea

Bertsos - View details To know more about this section