Bertsos - Ver ficha Más información sobre esta sección
2022-09-24 Getxo Txapelketa [Bertsoa] / Alaia Martin, Unai Mendizabal
| Bertsoa entzun |
2022-09-24 Getxo Txapelketa [Bertsoa] / Alaia Martin, Unai Mendizabal
Nombre de la estrofa:
Zortziko handia (hg) / Lau puntuko handia (ip)
Localización:
XDZ - Xenpelar Dokumentazio Zentroa
U. Mendizabal
Kotoizko jertse egiten jarri
genuen hainbat enpeño
ta gure lana besteei salgai
gaur zertako ez jarri? Ño!
Gure herria Bershka ta Zaraz
betea da leporaino
hobe dirua gugana etorri
Amantziorenera baino! (bis)
A. Martin
Baina Amantzio ta konpainia
nolatan utzi ahantzita?
Larunbatero egiten dute
zentro handitara bisita.
Gure patrikak hobeak dira
eta arropa polita
baina jendeak kontsumitzen du
baloreak erantzita! (bis)
U. Mendizabal
Hiru makina, lau armario
presta dezagun sotoa
gure arropak balorea du
ta maila dauka goikoa.
Berta-bertako piparrak eta
sardin ta atun potoa...
Arropak ere beharko luke
kilometro zerokoa! (bis)
A. Martin
Baina begira haien beirate
eta eskaparateko
kristal handiak konpetentzia
dira guretzat kalteko.
Hirurehun euron dago kuota
justu lentejak jateko
egun aberats izan behar da
autonomo izateko. (bis)
U. Mendizabal
Hori gerora ikusiko da
irabazik gorabehera
nere ustetan hementxe degu
gure biziko aukera.
Zergatik eta Skunkfunk hortxe
Puntutanen sudadera…
Bide hontatik behin hasi ziren
bakarrak ere ez gera! (bis)
A. Martin
Nahiz eta ongi irteten diren
bizitzan apustu batzuk
ez gara Onddo ta punto eta
gainera ez gara Skunkfunk!
Zuk elikatu zure Instagram
zure Twitter, zure Facebook
eta erronka eginez gero
zuri erosiko dizut! (bis)
1 “Feizbuk” ahoskatu zuen.