BDB Bertsolaritzaren datu-basea

Información general

Kategoria

Bat-batekoa

Actuación Periódica (Saioarena)

Bertsolari Txapelketa Nagusia (18. 2022)

Actuación

2022-09-24 Getxo Txapelketa

Gai-emailea

Artola, Imanol "Felix"

Bertsolaris / Autores

Elustondo, Nerea

Laburu, Agin

Ejercicio

Binaka gaia-emanda

Tema propuesto

Zuek, Nerea eta Agin, lankideak zarete. Nerea, Aginek azken bost urteetan kandela kopuru bera jartzen du bere urtebetetze-pastelean. Orain arte ezikusiarena egin baduzu ere, gaur zerbait esatea erabaki duzu.

Descripción

Melodia

Gizona da zoroa

Nombre de la estrofa

Zortziko txikia (hg) / Lau puntuko txikia (ip)

Bertso kopurua

6

Localización

Localización

XDZ - Xenpelar Dokumentazio Zentroa

Colección / Fondo / Proyecto

Txapelketetako Bilduma

2022-09-24 Getxo Txapelketa [Bertsoa] / Nerea Elustondo, Agin Laburu

Nombre de la estrofa:  Zortziko txikia (hg) / Lau puntuko txikia (ip) 
Localización:  XDZ - Xenpelar Dokumentazio Zentroa 

---

N. Elustondo
Bizitzan zahartzea
ez da misterio
baina zu horrek jartzen
baitzaitu serio
hogei kandela jarriz
zabiltza propio
ba zure aurpegiak
beste zerbait dio! (bis)

A. Laburu
Erlatiboak dira
urteak, egunak
batzuk gogorrak dira
besteak leunak
aurpegiaz zer dio
gaur nire lagunak
inoiz pastelik ere
ekartzen ez dunak? (bis)

N. Elustondo
Gozogintzarik ez dut
ekarri ohi klaro!
Diabetia baitut
geroz ta gorago!
Nik berrogeiko langa
jada det igaro
ta sentitzen naiz inoiz
baino gazteago! (bis)

A. Laburu
Gazte senti zaitezke
nigatik bizitzan
ni ere horrelaxe
ibili ohi nintzan.
Nahiz ta kejatzen zeran
diabeti gisan
pastela probatzian
ez du kejik izan. (bis)

N. Elustondo
Sakarina zulakon
egin det aproba
azukrea bazuen
ez nago gustora!
Ez bazera pasatzen
hogeitikan gora
ez zara iritsiko
jubilaziora! (bis)

A. Laburu
Iritsiko bazina
ojala! Ojala!
Uste det Pedro Sanchez
pentsatzen ai dala
urteak luzatzea
eta berehala
pentsatze al dezu zu
helduko zerala? (bis)