Bertsos - Ver ficha Más información sobre esta sección
2022-10-01 Gotaine Txapelketa [Bertsoa] / Nerea Ibarzabal
| Bertsoa entzun |
2022-10-01 Gotaine Txapelketa [Bertsoa] / Nerea Ibarzabal
Nombre de la estrofa:
Hamalauko handia (hg) / Zazpi puntuko handia (ip)
Localización:
XDZ - Xenpelar Dokumentazio Zentroa
Hamasei urte baino ez dauzkat
ene ze nerabezaro!
Ta gau batean zu ezagutu
ta maitemindu zeharo.
Esku ta beso, hanka ta bular
elkartutako bi aho
gau batzuk baino ez ziren izan
ez zenuen nahi gehiago.
Gero hilekorik ez zen etorri
ta orduantxe akabo!
Gela hotz baten eduki naute
zeozeren zain luzaro.
Nahastu biok nahastu ginen
baina orain bakarrik nago. (bis)
Itxarongelan izan gaituzte
aulkietan zenbait jende
bakoitza bere tripari beha
hamaika beldurren mende.
Firmatu ditut horko paperak
horko baldintza ta lege
barruan dudan bizi papur hau
ezabatzea zen xede.
Orain mobila hartu dut eta
markatzeko ez naiz trebe.
Ze gauza eskatu diezazuket
ze hitz eta ze mesede?
Zu ez bazara kapaza izan
hona laguntzeko ere. (bis)
Parean daukat zenbakia ta
ni zalantzaren menpeko
deitu dezaket gaur abortatu
ein dudala esateko
baina agian ez gara izango
sekula parez pareko
beraz, mobila berriro gorde
ta urruntzea hobeto.
Nerabea naiz, baina urte asko
dauzkat oraindik tarteko
eta neurriak hartuko ditut
berriz sexuan urtzeko
ta batez ere zure moduko
inor ez ezagutzeko. (bis)