BDB Bertsolaritzaren datu-basea

Información general

Kategoria

Bat-batekoa

Actuación Periódica (Saioarena)

Gipuzkoako Bertsolari Txapelketa (12. 2024)

Actuación

2024-12-14 Donostia Txapelketa

Gai-emailea

Iriarte Iribar, Iker

Bertsolaris / Autores

Artetxe Eizagirre, Eneritz

Labaka Mayoz, Ane

Ejercicio

Binaka gaia-emanda

Tema propuesto

Bikotea zarete. Eneritz, etxe berria erosi duzue, eta, badaezpada, Aneren gurasoei giltzen kopia bat eman zenieten larrialdietarako. Orain, Aneren gurasoak edozein momentutan sartzen dira etxera.

Descripción

Melodia

Gizona da zoroa

Nombre de la estrofa

Zortziko txikia (hg) / Lau puntuko txikia (ip)

Localización

Localización

XDZ - Xenpelar Dokumentazio Zentroa

Colección / Fondo / Proyecto

Txapelketetako Bilduma

2024-12-14 Donostia Txapelketa [Bertsoa] / Eneritz Artetxe Eizagirre, Ane Labaka Mayoz

Nombre de la estrofa:  Zortziko txikia (hg) / Lau puntuko txikia (ip) 
Localización:  XDZ - Xenpelar Dokumentazio Zentroa 

---

E. Artetxe
Nahiz ta etxeak behar
lukeena saria
igual geratu zaigu
pixka’t bat handia
zure aitak ta amak
nolako nagia
gure harremana al
da larrialdia? (bis)

A. Labaka
Larrialdi alarma
halakoren baten
piztu eta zaila da
ezetza esaten
larrialdi haundi bat
gabiltza jasaten
azkar sartzen dira ta
ez dira joaten. (bis)

E. Artetxe
Hara intimitatea
den gure baldintza
baina eskeini genien
gure etxeko giltza
egun osoan gure
etxean dabiltza
ez al zuten ulertu
“badaezpada” hitza? (bis)

A. Labaka
Gu noizbait elkarrekin
hasita ligatzen
orain elkarbizitza
al doa higatzen?
Badaezpadara beti
dira katigatzen
uste det ez direla
zurekin fidatzen. (bis)

E. Artetxe
Egun osoz lanean
geure ahaleginez
etxera iristen naiz
hanketako minez
zure aita ta ama
bidali ezinez
afaria prestatu
balute gutxinez! (bis)

A. Labaka
Afaria prestatu
behar dute jator
baina zu jartzen zera
erdi erasokor
ai, zuri kontatzeko
zerbait badaukat hor.
Gero esango dizut
justu aita dator. (bis)