BDB Bertsolaritzaren datu-basea

Información general

Kategoria

Bat-batekoa

Actuación

2025-12-14 Etxebarre Plaza librea

Gai-emailea

Alkhat, Xan

Bertsolaris / Autores

Arzallus, Maddalen

Etxeberri Lopepe, Nahia

Ejercicio

Binaka gaia-emanda

Tema propuesto

Unibertsitatean ikasle zabiltzate, apartamentu berean kolokak zarete. Astelehen oroz ber errituala duzu Nahia; amak prestatu gamelak edo Tupperwareak hozkailuan ematen dituzu. Maddalen, astelehenero jeloskeria sentitzen duzu.

Descripción

Melodia

Nere senarrarekin I

Nombre de la estrofa

Zortziko txikia (hg) / Lau puntuko txikia (ip)

Localización

Localización

XDZ - Xenpelar Dokumentazio Zentroa

Colección / Fondo / Proyecto

Bapatean Bilduma

2025-12-14 Etxebarre Plaza librea [Bertsoa] / Maddalen Arzallus, Nahia Etxeberri Lopepe

Nombre de la estrofa:  Zortziko txikia (hg) / Lau puntuko txikia (ip) 
Localización:  XDZ - Xenpelar Dokumentazio Zentroa 

---

M. Arzallus
Ostiraletan joanik berriro etxera
astelehena heltzean nolako afera
zurekin elkartu nahi nuke nik jatera
asteko sei gamela ez al da sobera? (bis)

N. Etxeberri
Iganderako ere atxiki dut bata
ta amak prestatu dit jantzia, zapata
ta zuk zure xokoan hor bakarrik alta
ainitz maite naute ta ez da ene falta. (bis)

M. Arzallus
Batzutan sobera da halere jakizu
hainbeste maitatzea ez delako haizu
astero sei gamela handi eta pisu
ta omeleta egiten ere ez dakizu! (bis)

N. Etxeberri
Omeleta egiten nahi nuke jardun
baina nik errezeta ez baitut ezagun
ta ez gira deusentzat gu biak ez lagun
ondoko egunetan parteka dezagun. (bis)

M. Arzallus
Partekatzea ona delako tarteka
baietz esanen dizut, hala nahi nuke ta
ekarri odolkia, ekarri txuleta
ta nik eginen dizut zuri omeleta. (bis)

N. Etxeberri
Ta gozatuko dugu apairu bakoitza
izan dadin beroa, izan dadin hotza
ja amagana noa ta eginen dut ontsa
galdegin behar diot razio bikoitza. (bis)