BDB Bertsolaritzaren datu-basea

Informazio orokorra

Kategoria

Bat-batekoa

Saioa

2025-12-14 Etxebarre Plaza librea

Gai-emailea

Alkhat, Xan

Bertsolariak / Egileak

Arzallus, Maddalen

Etxeberri Lopepe, Nahia

Lana

Binaka gaia-emanda

Jarritako gaia

Unibertsitatean ikasle zabiltzate, apartamentu berean kolokak zarete. Astelehen oroz ber errituala duzu Nahia; amak prestatu gamelak edo Tupperwareak hozkailuan ematen dituzu. Maddalen, astelehenero jeloskeria sentitzen duzu.

Deskribapena

Doinua

Nere senarrarekin I

Neurria / Estrofaren izena

Zortziko txikia (hg) / Lau puntuko txikia (ip)

Kokapena

Kokapena

XDZ - Xenpelar Dokumentazio Zentroa

Bilduma / Funtsa / Proiektua

Bapatean Bilduma

2025-12-14 Etxebarre Plaza librea [Bertsoa] / Maddalen Arzallus, Nahia Etxeberri Lopepe

Neurria:  Zortziko txikia (hg) / Lau puntuko txikia (ip) 
Kokapena:  XDZ - Xenpelar Dokumentazio Zentroa 

---

M. Arzallus
Ostiraletan joanik berriro etxera
astelehena heltzean nolako afera
zurekin elkartu nahi nuke nik jatera
asteko sei gamela ez al da sobera? (bis)

N. Etxeberri
Iganderako ere atxiki dut bata
ta amak prestatu dit jantzia, zapata
ta zuk zure xokoan hor bakarrik alta
ainitz maite naute ta ez da ene falta. (bis)

M. Arzallus
Batzutan sobera da halere jakizu
hainbeste maitatzea ez delako haizu
astero sei gamela handi eta pisu
ta omeleta egiten ere ez dakizu! (bis)

N. Etxeberri
Omeleta egiten nahi nuke jardun
baina nik errezeta ez baitut ezagun
ta ez gira deusentzat gu biak ez lagun
ondoko egunetan parteka dezagun. (bis)

M. Arzallus
Partekatzea ona delako tarteka
baietz esanen dizut, hala nahi nuke ta
ekarri odolkia, ekarri txuleta
ta nik eginen dizut zuri omeleta. (bis)

N. Etxeberri
Ta gozatuko dugu apairu bakoitza
izan dadin beroa, izan dadin hotza
ja amagana noa ta eginen dut ontsa
galdegin behar diot razio bikoitza. (bis)