Bertsos - Ver ficha   Más información sobre esta sección

2006-09-16 Muxika Jaialdia [Bertsoa] / Jon Enbeita

Bertsoa entzun  

Información general

Kategoria
Bat-batekoa
Actuación
2006-09-16 Muxika Jaialdia
Gai-emailea
Goikoetxea, Josu
Bertsolaris / Autores
Enbeita, Jon
Ejercicio
Bakarka gaia-emanda
Tema propuesto
Ehun urte bete dira zuen aita jaio zela, eta hogei urte hil zenetik. Balentin Enbeitaren figurari kantatzeko aukera emango dizut.

Descripción

Nombre de la estrofa
Neurri berezikoak

Edukiari buruz

Localización

Localización
XDZ - Xenpelar Dokumentazio Zentroa
Colección / Fondo / Proyecto
Bapatean Bilduma

2006-09-16 Muxika Jaialdia [Bertsoa] / Jon Enbeita

Nombre de la estrofa:  Neurri berezikoak 
Localización:  XDZ - Xenpelar Dokumentazio Zentroa 


Atxeli mendiaren
magal erosoan
Jeuriko baserrian
Usparits auzoan
Urretxindorren kabi
kantari gozoan
esperantza biztu zan
jaio zan haurtxoan;
ta Beniten soan
kulunka altzoan
sartu zan bertsoan
Keparen pausoan
haundi izango zana
Euskadi osoan. (bis)

Etorkizuna zinan
gaur joana jada;
konturatu orduko
mende bat pasa da.
Gerra, kartzela zigor
zelako pasada!
Baina erantzun zendun
heroien gisara:
herria, euskara
kantari plazara
zenduzan atara;
gaur zorretan gara;
abertzale guztien
eredua zara. (bis)

Gogoratzen naz aite
zure hiletetan
jendea gainez barru
zein iguruetan;
alderdi danetarik
zeure omenetan;
zure batasun nahia
ete zan ernetan?
Gaur barriro bertan
danak zeure bueltan
kantetan, berbetan...
Ez dakit benetan
hil ala biztu zinan
egun latz haretan. (bis)

Ariatza benetan
maitea zenduan
zeu be ariatzarrak
zaitue goguan;
zure bertso papera
jaien inguruan
beti lez bezperatan
abestu genduan;
zaragi onduan
elkarte senduan
zaharren ekanduan
zeure aginduan
hurrengoak be euki
daien akorduan:
Ariatza langorik
ez dago munduan. (bis)