Bertsos - View details To know more about this section
2006-09-16 Muxika Jaialdia [Bertsoa] / Jon Enbeita
| Bertsoa entzun |
2006-09-16 Muxika Jaialdia [Bertsoa] / Jon Enbeita
Stanza name:
Neurri berezikoak
Localization:
XDZ - Xenpelar Dokumentazio Zentroa
Atxeli mendiaren
magal erosoan
Jeuriko baserrian
Usparits auzoan
Urretxindorren kabi
kantari gozoan
esperantza biztu zan
jaio zan haurtxoan;
ta Beniten soan
kulunka altzoan
sartu zan bertsoan
Keparen pausoan
haundi izango zana
Euskadi osoan. (bis)
Etorkizuna zinan
gaur joana jada;
konturatu orduko
mende bat pasa da.
Gerra, kartzela zigor
zelako pasada!
Baina erantzun zendun
heroien gisara:
herria, euskara
kantari plazara
zenduzan atara;
gaur zorretan gara;
abertzale guztien
eredua zara. (bis)
Gogoratzen naz aite
zure hiletetan
jendea gainez barru
zein iguruetan;
alderdi danetarik
zeure omenetan;
zure batasun nahia
ete zan ernetan?
Gaur barriro bertan
danak zeure bueltan
kantetan, berbetan...
Ez dakit benetan
hil ala biztu zinan
egun latz haretan. (bis)
Ariatza benetan
maitea zenduan
zeu be ariatzarrak
zaitue goguan;
zure bertso papera
jaien inguruan
beti lez bezperatan
abestu genduan;
zaragi onduan
elkarte senduan
zaharren ekanduan
zeure aginduan
hurrengoak be euki
daien akorduan:
Ariatza langorik
ez dago munduan. (bis)