Bertsos - Ver ficha Más información sobre esta sección
1980-01-06 Donostia Txapelketa 17:00 [Bertsoa] / Xabier Amuriza, Jose Luis Gorrotxategi
| Bertsoa entzun |
1980-01-06 Donostia Txapelketa 17:00 [Bertsoa] / Xabier Amuriza, Jose Luis Gorrotxategi
Nombre de la estrofa:
Zortziko txikia (hg) / Lau puntuko txikia (ip)
Localización:
XDZ - Xenpelar Dokumentazio Zentroa
Amuriza:
Ttunttunaren otsa da
albotik entzuna,
merezia du beraz
gure erantzuna;
Iendik ere bagenun
orren oiartzuna,
kitarra bezela da
gu bion zentzuna.
Gorrotxategi:
Ttunttun-soñuarekin
belarriak bete,
kontu politagorik
besterik bai ote?
Naiz mundu ontan pasa
larogei bat urte,
ttunttun jaiotzen dana
ttunttun da il arte.
Amuriza:
Larogei urte eta
zimelak esteak,
pena ematen digu
ori ikusteak;
ttunttunak garelako
ez gaude tristeak,
umorerik den arte
or konpon besteak.
Gorrotxategi:
Batzuk argitan eta
bestek illunian,
orrelakoxe gaiak
gaurko egunian;
konturatuko gera
denbora junian,
bapo bizi gera gu
geure ttunttunian.
Amuriza:
Bapo bizitze orrek
badu arriskua,
ala ere gure martxa
ezta ain gaiztua;
zu ttunttuna bazara
eta ni txistua,
laster jarriko dugu
Euskadi piztua.
Gorrotxategi:
Ttunttuna ta txistua
esan dek aurrena,
belarritarako da
gauzik ederrena;
ori sartua daukat
biotzan barrena,
Euskalerrian degun
doñurik zarrena.