Bertsos - Ver ficha Más información sobre esta sección
1987-12-06 Durango Txapelketa [Bertsoa] / Xabier Amuriza, Jon Enbeita
1987-12-06 Durango Txapelketa [Bertsoa] / Xabier Amuriza, Jon Enbeita
Nombre de la estrofa:
Zortziko txikia (hg) / Lau puntuko txikia (ip)
Localización:
XDZ - Xenpelar Dokumentazio Zentroa
Amuriza
Zure atzean nabil
mutila jo ta ke
neskari hori beti
gustatutzen jake.
Neskakin ia ez zaitut
nik ikusten bape
zein kanal darabilzun
jakin gura neuke.
Jon Enbeita
Ez zaizu damutuko
hori esaterik
nik neskari ez diet
zabaltzen aterik.
Zeu ikusita nago
ni pozez beterik
bihotz honek ez bait du
zeu beste maiterik.
Amuriza
Oraintxe jarri naz ni
mutilan maitean
ez neban amaitu nahi
holako bakean.
Zatoz nahi dozunean
hurrengo batean
bitartean bistatik
ezkutau naitean.
Jon Enbeita
Nire hitzak damotsu
hainbeste arazu
hala ta guzti ere
neska zai naukazu.
Ondo pasa gindezke
aurrerantz ni ta zu
ez zara damutuko
probatzen banauzu.
Amuriza
Gauza ona probatzea
gozoa benetan
holako aukerarik
ez neban kontetan.
Ezkondu be egingo
nintzake berbertan
biharamon goizerako
alarguntzekotan.
Jon Enbeita
Kontuan ez al zera
zu egingo jausi?
lotsaren kate hori
behar duzu hausi.
Neska ikusten zaitut
nahikoa itsusi
zoriona auzoan
ta ezin ikusi.