Bertsos - Ver ficha Más información sobre esta sección
1990-12-09 Durango Txapelketa [Bertsoa] / Abel Enbeita, Jon Enbeita
1990-12-09 Durango Txapelketa [Bertsoa] / Abel Enbeita, Jon Enbeita
Nombre de la estrofa:
Hamarreko txikia (hg) / Bost puntuko txikia (ip)
Localización:
XDZ - Xenpelar Dokumentazio Zentroa
Jon:
Bihotzeko mina da
denontzat zorrotza
norberak sentitzea
benetan mingotsa
ospitaletik nator
barruz nago hotza
entzun nahi nuke orain
nik zure aitortza
Burladatikan zelan
dakarzu bihotza.
Abel:
Atakea izan nuen
iaz gaurko datan
ta geroztik hor nabil
arnasaren faltan
Burlatara joan naiz
hemen nator bueltan
esango dizut lagun
izan den nolatan
bihotz barria jarri
didate Burlatan.
Jon:
Hau da ene laguna
nahi eta ezina
ezin baretu gure
bihotzeko mina
zuk bedarrak dituzu
ta nik medizina
baina alperrikoa
gure ahalegina
ezin dogu aurkitu
inun atsegina.
Abel:
Holantxe nenbilen ni
ate denak hertsi
aurrera jarraitzeak
ez zuen merezi
mediku askok nindun
ta sarri ikusi
azkenez Burlatara
joan naiz ihesi
medikuetan ezin
gehiago sinetsi.
Jon:
Gu ezin gara bizi
lagun gizalegez
egoera hau ez da
eroaten errez
betetikan bestera
eskean negarrez
biok ere gabiltza
banan nahiko nekez
sinetsi erain baina
inork sendatu ez.
Abel:
Bihotza gaixoa zen
gainera zeharo
luzaro ibili naiz
minaren esklabo
medikuak ikusi
ta askoz txarrago
zertarako jarraitu
hain nengon arraro
medizinarik gabe
sendatuta nago.