BDB Bertsolaritzaren datu-basea

Información general

Kategoria

Bat-batekoa

Actuación

1991-03-23 Beasain Ekitaldipekoa

Bertsolaris / Autores

Amuriza, Xabier

Lizaso, Sebastian

Ejercicio

Binaka gai-librean

Tema propuesto

Gai librean

Gaiari oharrak

Gai librean aritu ziren, baina hain zuzen, egun berean bost urte betetzen ziren Sebastianek
Euskal Herriko Bertsolarien txapela jantzi zuela.

Descripción

Melodia

Kantatzera nijoa

Nombre de la estrofa

Zortziko txikia (hg) / Lau puntuko txikia (ip)

Edukiari buruz

Personas

Amuriza, Xabier

Lizaso, Sebastian

Actuaciones Periódicas

Bertsolari Txapelketa Nagusia (9. 1986)

Localización

Localización

XDZ - Xenpelar Dokumentazio Zentroa

Colección / Fondo / Proyecto

Bapatean Bilduma

1991-03-23 Beasain Ekitaldipekoa [Bertsoa] / Xabier Amuriza, Sebastian Lizaso

Nombre de la estrofa:  Zortziko txikia (hg) / Lau puntuko txikia (ip) 
Localización:  XDZ - Xenpelar Dokumentazio Zentroa 

---

X. Amuriza
Luzetikan txikira
pasatu gaitezen,
jakiteko hurrena
zertara goazen,
Martxoak hogeitahiru
gaur bost urte hain zuzen,
gogoan al dek egun
hura zer izan zen? (BIS)
S. Lizaso
Galdezka hasi da ta
erantzun beharko,
txapelketaren deia
Anoetarako,
ez da ez oroitzen, nik
jantzi nuelako,
baizik berak betiko
galdu zuelako. (BIS)
X. Amuriza
Gipuzkoan horrekin
zenbat txalo ta jai
arrazoi daukak hortan
ez dit ukatu nahi,
egun txar bat etortzen
zaiguk hemen danai,
hik ez huan irabazi,
neronek galdu bai. (BIS)
S. Lizaso
Ahal zana egitea
genduen baldintza,
eta nik eman nion
kristoren paliza,
galdu zuenez gero
txapelan keriza,
beti erdi gaixorik
dabil Amuriza. (BIS)
X. Amuriza
Urteak hemen hola
pasatzen dirade,
baina ez zak hitzegin
ondo pentsa gabe,
ni egin ninduena
gaixo hauen jabe,
ez diot barkatuko
Lizasori ere. (BIS)
S. Lizaso
Gaitzak jo zuen eta
beretzat kalteko,
aurreko mailarikan
ez digu beteko,
bi aspirina behar
lo puxkat eiteko,
ta zenbat hartzen dituk
esna egoteko? (BIS)
X. Amuriza
Aspirinak ez dituk
udako mizpirak,
hik jakin nahi al dituk
nere erretirak?
Hartzen dizkiat baina
galdetzen badidak,
kontrako zintzurretik
joaten zaizkidak. (BIS)
S. Lizaso
Ez du esan nahi baina
neretzat berdin da,
nik antz ematen diot
ta nago jakinda,
bi-hirurekin dabil
sendatu ezinda,
hartu zak kajaka bat
tortilla eginda. (BIS)
X. Amuriza
Edozer esatea
honentzat atsegin,
hor kea dariola
tximinia berdin,
nik kaja osoa hartu
ta tortilla egin,
ta prijituko diat
puruzar horrekin. (BIS)
S. Lizaso
Gaurkoan lagun negok
ni borondateko,
ta horra kontseju bat
ta ez dek kalteko,
esan dit aspirinak
tortillan jateko,
baina zerbait falta zaik
tortilla egiteko. (BIS)
X. Amuriza
Izan leike zeozer
agian okela,
baina badakizue
zerbait falta dela,
honek lehen esana du
apaiza nintzela,
hik'e gordeak dauzkak
neronek bezela. (BIS)