2005-12-18 Barakaldo Txapelketa 16:30 [Bertsoa] / Andoni Egaña, Aitor Mendiluze

Lankideak zarete. Larunbat gauean taberna batean egin zenuten topo. Hizketan hasi eta ohean bukatu zenuten. Astelehena iritsi da eta kafe makinaren aurrean zaudete.

Descripción

Melodia

Aresoarren bandera

Nombre de la estrofa

Zortzikoa, berdinaren moldekoa, 6 puntuz (hg) / Sei puntukoa, berdinaren moldekoa (ip)

Localización

Localización: XDZ - Xenpelar Dokumentazio Zentroa
Colección / Fondo / Proyecto: Txapelketetako Bilduma

2005-12-18 Barakaldo Txapelketa 16:30 [Bertsoa] / Andoni Egaña, Aitor Mendiluze

Nombre de la estrofa: Zortzikoa, berdinaren moldekoa, 6 puntuz (hg) / Sei puntukoa, berdinaren moldekoa (ip)
Localización: XDZ - Xenpelar Dokumentazio Zentroa

A. Egaña:
Sentitzen naiz hain arraro
ez nuen asko itxaro
hamar zurito joango ziren
dozena bat ardo.
Zure gizona akabo!
Ta ni bezelaxe kalbo
sexu joera lehen argi neukan
orain dudan nago. (bis)

A. Mendiluze:
Zuritotan jarri bapo
zeudenak barrenerako
eta ohartu ginenerako
presto oherako.
Orain dezu duda pranko
zergatik jakin beharko
agian sexu joera hain garbi
ez zeneukalako. (bis)

A. Egaña:
Mesede edo kaltera
irten zitzaigun atera
pasa genuen gau eder hura
ahazteko ote da?
Badut irriki tankera
sexu joerak joera
guk zer arraio egin behar dugu
hemendik aurrera? (bis)

A. Mendiluze:
Estu daukazu arnasa
ta larrituaren traza
ez eman ez dun traszendentzirik
ez izan eskasa.
Ez ote zera jolasa
ala ulertzeko kapaza?
Gau hortan zerbait pasa zen baina
ez da ezer pasa. (bis)

A. Egaña:
Gauari jarri kandela
ez nuen espero bela;
nik pentsatzen det errepikatu
behar litzakeela
eskatzen dizut horrela
beste saio bat itzela
ahal bada gozo eta luzea
kafe hau bezela. (bis)

A. Mendiluze:
Lehenengo duda bizitzan
ohe hartantxe hasi zan
ta orain beste aukeran bila
ze ote zabiltzan
ez zazu gehiago esan
ez horren txepela izan
ta kafea nik konbidatzen det
baina lagun gisan. (bis)

BDB Bertsolaritzaren datu-basea

Bertsos - Ver ficha Más información sobre esta sección