Bertsos - Ver ficha Más información sobre esta sección
2005-10-23 Arrasate Txapelketa [Bertsoa] / Arkaitz Goikoetxea
| Bertsoa entzun |
2005-10-23 Arrasate Txapelketa [Bertsoa] / Arkaitz Goikoetxea
Nombre de la estrofa:
Neurri berezikoak
Localización:
XDZ - Xenpelar Dokumentazio Zentroa
Ni errezelo batekin hasi
eta kamera jarriarazi
nere maitea beste batekin
muxu ematen lehenbizi (bis)
gero ohera iritsi
han oihu eta irrintzi
ene ezin dut sinetsi!
Iruditzen zait bihotz gabea
iruditzen zait itsusi
nahiago nuke sekula ere
ez baldin banu ikusi. (bis)
Irauli egin dizkit barrenak
ai nere minak bihotz herrenak
egiaztatu ahal izan ditu
irudikapen txarrenak; (bis)
abaildu zaizkit kemenak
ihesi joan ahalmenak
nituen sentipen denak
nola arraio gaindi nitzake
barnean ditun penak
nere bihotza zulatu baitit
gehien maitatzen nuenak! (bis)
Ene egia zegon hurbila
horri begira nago zurbila
ustekabean bide erdian
puskatu baita gurpila; (bis)
ai nere negar isila
noizbait sentitu dadila
bizirik bainago hila
nere bihotza badoa hemendik
eta badoa mutila
inoiz traizio egingo ez didan
beste neska baten bila. (bis)