BDB Bertsolaritzaren datu-basea

Información general

Kategoria

Bat-batekoa

Actuación Periódica (Saioarena)

Gipuzkoako Bertsolari Txapelketa (7. 2003)

Actuación

2003-11-01 Hernani Txapelketa

Gai-emailea

Azkune, Laxaro

Bertsolaris / Autores

Gabilondo, Nahikari

Urdangarin, Jose Luis

Ejercicio

Binaka gaia-emanda

Tema propuesto

Zuek bi jubilatu zarete. Udaletxe azpiko aulkian periodikoa irakurtzen ari zarete. Zuk, Joxe, zuzenean eskelatara jotzen duzu, ezagunik bai ote dagoen. Nahikarik contactos saileko orrira.

Descripción

Melodia

Kantatzera nijoa

Nombre de la estrofa

Zortziko txikia (hg) / Lau puntuko txikia (ip)

Localización

Localización

XDZ - Xenpelar Dokumentazio Zentroa

Colección / Fondo / Proyecto

Txapelketetako Bilduma

2003-11-01 Hernani Txapelketa [Bertsoa] / Nahikari Gabilondo, Jose Luis Urdangarin

Nombre de la estrofa:  Zortziko txikia (hg) / Lau puntuko txikia (ip) 
Localización:  XDZ - Xenpelar Dokumentazio Zentroa 

---

J.L. Urdangarin:
Ez dakit zu zabiltzan
burutikan jota
alzheimerra daukazu
edo zaude kolka.
Nik beti begiratzen
det eskelen nota
noiz aterako naizen
beldurrez nago-ta. (bis)

N. Gabilondo:
Betaurrekoak igo
zimurtu kopeta
esan didazu "hara
joan zaigu Joxepa!".
Nik eskelei zergatik
jarri behar arreta?
Haiekin kontakturik
ez nuke nahi-eta. (bis)

J.L. Urdangarin:
Alperrik zabiltzala
hori da kontua
esan beharra dizut
nik gauza juxtua
ez dezula ahaztu behar
daukazun patua:
lurrarekin egingo
dezu kontaktua. (bis)

N. Gabilondo:
Uzteko egin arren
hamaika erregu
kontaktu bila nabil
uda eta negu;
gazteak hartzen ditut
bideko eredu
bizi geran artean
bizi behar degu. (bis)

J.L. Urdangarin:
Nunbait komeniko da
hauxe botatzea:
kontaktuen kontuan
daukazu trantzea.
Komeni omen zaizu
gazte bat hartzea
haiek ere merezi
dute bizitzea. (bis)

N. Gabilondo:
Asko irabazten det
kontaktuen truke
badaukat meriturik
ta nahiko bertute;
gazteentzat ona naiz
aitortu nahi nuke
gerorako zer duten
ikasten baitute. (bis)