2005-12-18 Barakaldo Txapelketa 16:30 [Bertsoa] / Igor Elortza, Jon Maia

Eraikuntzan egiten duzue lan. Duela minutu bat zuen lankide bat aldamiotik erori eta hantxe hil da. Haren bila etorritako anbulantziak argiak itzali ditu.

Descripción

Melodia

Aresoarren bandera

Nombre de la estrofa

Zortzikoa, berdinaren moldekoa, 6 puntuz (hg) / Sei puntukoa, berdinaren moldekoa (ip)

Localización

Localización: XDZ - Xenpelar Dokumentazio Zentroa
Colección / Fondo / Proyecto: Txapelketetako Bilduma

2005-12-18 Barakaldo Txapelketa 16:30 [Bertsoa] / Igor Elortza, Jon Maia

Nombre de la estrofa: Zortzikoa, berdinaren moldekoa, 6 puntuz (hg) / Sei puntukoa, berdinaren moldekoa (ip)
Localización: XDZ - Xenpelar Dokumentazio Zentroa

J. Maia:
Beti gaude istu-istu
altura eta arrisku
ta berriz ere langilearen
aurpegira txistu.
Egin nahi det zenbait juzku
ia ezin det sinistu:
anbulantzia itzaldu da ta
bera ez da piztu. (bis)

I. Elortza:
Ta piztu ote liteke?
Badaukat duda dexente.
Begira daude lau segundutan
ehun ta piku jente
ta gu nola egon tente?
Ez dugu ordaintzen merke
etxebizitzak hutsak egin ta
hilobiak bete. (bis)

J. Maia:
Itzaldu dira hitz printzak
utzi ditzagun langintzak
zenbat etxe huts egin ditugun
hutsak eta hitsak!
Hauetxek dira desditxak
zein garesti etxe giltzak
eta ze gutxi balio duen
langileen bizitzak. (bis)

I. Elortza:
Bizitza joaten da di-da
betirako urrutira
ta langileok jakin ere ez
zer dugun kupida.
Nausiak etorri dira
desastrearen erdira
eta inporta balie legez
hor daude begira. (bis)

J. Maia:
Larriak hainbeste gradu
bihotzak danba dihardu
ezin degula hola jarraitu
ai nola azaldu!
Hain kontu txarra daukagu
hemen inor ez da salbu
gaurkoan bera izan da eta
bihar agian gu. (bis)

I. Elortza:
Halaxe doa denbora
ta ez da heltzen mejora
bihar agian biotako bat
hortxe datza froga;
eta joaten zulora
hurrengo zein izango da?
Bihar ordu bat pankartarekin
eta berriz gora. (bis)

BDB Bertsolaritzaren datu-basea

Bertsos - Ver ficha Más información sobre esta sección