2000-11-16 Iruñea Jaialdia [Bertsoa] / Jexux Mari Irazu Muñoa, Sebastian Lizaso

Gai honen arabera zu, Lizaso, bertsolari tipikoa zara, plazaz plaza ibiltzen den horietakoa, sagardo, ardo eta parrandazale purrukatua. Gaur Irazurekin egin duzu tipo Bertso Aroan, bertsolari iraultzaile teknozalearekin.

Description

Air

Bertsuak jarri dizkat

Nom de la strophe

Seiko txikia (hg) / Hiru puntuko txikia (ip)

Localisation

Localisation: XDZ - Xenpelar Dokumentazio Zentroa
Collection / Fond / Projet: Bapatean Bilduma

2000-11-16 Iruñea Jaialdia [Bertsoa] / Jexux Mari Irazu Muñoa, Sebastian Lizaso

Nom de la strophe: Seiko txikia (hg) / Hiru puntuko txikia (ip)
Localisation: XDZ - Xenpelar Dokumentazio Zentroa

Irazu:
Urtetan ta ideatan
denean nagusi,
zu bezain klasikorik
ez det nik ikusi;
nola ez zera etorri
kupel eta guzi? (bis)

S. Lizaso:
Gauzak dauzkazu pixkat
argitu beharra;
nik aspaldi pasa nun
formalaren marra;
kupel bat ekarri det
ta hustu xamarra. (bis)

Irazu:
Nunbait hustu xamarra
bota eta kasu;
ordenadorearen
garaiak arazu...
portatilla ez beste dena
izango zera zu. (bis)

S. Lizaso:
Ordenadore aroai
gaztediak heldu,
bat galtzarpean hartuz
noranahi azaldu
ta klasiko garenak
buruan daukagu. (bis)

Irazu:
Buruan portatilla
gauza dotorea,
estetika're zerbait
badegu ordea;
propio al dakarkizu
egur kolorea? (bis)

S. Lizaso:
Ohartu zera, ez da
zuretzat kaltera,
hobe dezu kontuak
aurretik atera...
propio etorri naiz
egurra ematera. (bis)

Irazu:
Egurra emateko
Azpeititik korri,
lehengoak txikiteoa
maite dute sarri;
tabernan hasi eta
berandu etorri. (bis)

S. Lizaso:
Berandu etortzea
agian kalteko,
hala ere ez ote ditut
nik lanak beteko?
Azkar bukatu nahi dut
berriro joateko. (bis)

BDB Bertsolaritzaren datu-basea

Bertsos - Voir fiche Pour savoir plus sur cette section