Bertsos - Voir fiche Pour savoir plus sur cette section
1982-12-19 Donostia Txapelketa 17:00 [Bertsoa] / Jon Azpillaga, Sebastian Lizaso
| Bertsoa entzun |
1982-12-19 Donostia Txapelketa 17:00 [Bertsoa] / Jon Azpillaga, Sebastian Lizaso
Nom de la strophe:
Hamarreko handia (hg) / Bost puntuko handia (ip)
Localisation:
XDZ - Xenpelar Dokumentazio Zentroa
Lizaso
Bi gizonen gain aspaldi hontan
hemen kargak eta zamak
mundu guztian guretzat dira
agintari txarren famak
laguna hemen barkatu bainan
hik bide txarra daramak
anai hurkoa maitatutzea
nei erakutsia amak
alde batera utzi ditzagun
guk nuklearrezko armak.
Azpillaga
Nuklearrezko arma kontuak
ez daude oso isilak
amerikarrak armak egiten
ditugu oso abilak
zuen bitarte hamaika kristau
munduan badira hilak
amerikarrak izan zaitezte
serio eta umilak
al dan azkarren kendu itzazute
dauzkakizuten misilak.
Lizaso
Behin behar eta ruso maltzurrai
hasi bihotza biguntzen
oso ez berdin agertu da hau
jaunak ez det ezagutzen.
Lagun bezela hasi gaitezen
gu noizbait alkar agurtzen
mundu guztia desegin Ieike
ni horretxek nau bildurtzen
ta miloi hoiek gasta ditzagun
behar duenai laguntzen.
Azpillaga
Behar danari lagundutzeko
egiten ditu arrenak
baina gerra bat sortutzeko ere
zuek zerate aurrenak,
armak egiten ta gerrarako
hain jakintsu nabarmenak
zuek gatikan hainbeste daude
mankoak eta herrenak
Errusiari fama emanda
zeuek zerate txarrenak.
Lizaso
Goguan izan ni ez nintzala
lehendakari oraindaino
gure bonbakin apurtua da
hainbat zeru eta laino
anaiarentzat Reagan badu
behar dan hainbat kariño
pakean alde jarri ezazu
gaurkoz nik hainbat enpeño
alkarren lagun hobea degu
mundua txikitu baino.
Azpillaga
Zeure agotik etzazu bota
horrenbesteko lorerik
bakien bila Reagan ez du
oraindik hartu nekerik.
Gerraren kontra ez du jarriko
oztopo eta legerik
Amerika hau dagon Iekuan
ez da falta gerrakerik
Reagan agintzen dagon bitarte
ez da izango pakerik.