Bertsoak - Fitxa ikusi   Atal honi buruz gehiago jakiteko

2013-09-29 Villabona Txapelketa [Bertsoa] / Fredi Paia, Iker Zubeldia

Bertsoa entzun  

Informazio orokorra

Kategoria
Bat-batekoa
Aldizkako Ekitaldia (Saioarena)
Bertsolari Txapelketa Nagusia (16. 2013)
Saioa
2013-09-29 Villabona Txapelketa
Gai-emailea
Zaldua, Ion
Bertsolariak / Egileak
Paia, Fredi
Zubeldia, Iker
Lana
Binaka gaia-emanda
Jarritako gaia
Euskal Herrira uda pasatzera etorritako Saharako bi haur zarete. Itzulerako hegazkinaren zain zaudete.

Deskribapena

Doinua
Haize hegoak hurbiltzen ditu
Bertso kopurua
6

Kokapena

Kokapena
XDZ - Xenpelar Dokumentazio Zentroa
Bilduma / Funtsa / Proiektua
Txapelketetako Bilduma

Argitalpen datuak

Argitalpenaren izenburua
Bertsolari Txapelketa Nagusia 2013 [Liburua]

2013-09-29 Villabona Txapelketa [Bertsoa] / Fredi Paia, Iker Zubeldia

Argitalpenaren izenburua:  Bertsolari Txapelketa Nagusia 2013 [Liburua]
Kokapena:  XDZ - Xenpelar Dokumentazio Zentroa 


F. Paia:
Herri honetan ikasi dut nik
bizitza ona maitatzen.
Gure ama dabil basamortuan
landare sustraiak batzen.
Aizu Abdula zer dala eta
ez gara hemen geratzen?
Hemengo haurrek guztia dute
baina ez dute baloratzen. (bis)

I. Zubeldia:
Joanez gero egongo gera
askatasunan egarri
ta geldituta ezin da jakin
gure herriaren berri.
Aeroportuan Mohamed ta ni
biok gaude nahiko larri
hemendik inor ezin eraman
ta handik ezin ekarri. (bis)

F. Paia:
Eta Tindufen gosetea ere
biderkatu zaigu aurten
amak ez daki hamabirentzat
aina bildu ote dezakeen.
Geratu eta euskara ikasi
behar dugu guk hainbaten
jada ikasi dut “Eskerrik asko”
ta “Eman gehiago” esaten. (bis)

I. Zubeldia:
Eskatuta´re ez hartzea´re
gerta liteke ordea.
Begira zazu lurralde honek
hartu duen kolorea:
Jainkoak dira play stationa
eta ordenadorea.
Uste al dezu leku hau dala
gurea baino hobea? (bis)

F. Paia:
Play stationan truke prest nago
Ala haundia saltzeko.
Ahots bat dabil airoportuan
guk biok enbarkatzeko
monitorea agertu zaigu
hortik kopeta beltzeko.
Amets egiten jarrai dezagun
egun batez bueltatzeko. (bis)

I. Zubeldia:
Begietara atera dira
malkoaren zipriztinak
maitatzen ditut Euskal Herriko
mendiak eta jardinak
maitatzen ditut adiskideak
ta famili atseginak.
Mohamed hemen gelditzen naiz ni
amonari eskuminak. (bis)

Datu-base honetan eskainitako informazioari buruz jakiteko, kontsultatu lege oharra