Bertsoak - Fitxa ikusi Atal honi buruz gehiago jakiteko
2001-12-16 Donostia Txapelketa 11:00 [Bertsoa] / Jon Maia
2001-12-16 Donostia Txapelketa 11:00 [Bertsoa] / Jon Maia
Neurria:
Hamaseiko berdina, 8 puntuz eta 8 silabaz (hg) / Zortzi puntuko berdina, 16 silabaz (ip)
Kokapena:
XDZ - Xenpelar Dokumentazio Zentroa
Sarritan diskursoetan
hartu ohi degu anparu
ta eguneroko martxa
ez degu ikusten klaru.
Gure etxian erderaz
hainbeste ume koitadu,
ta nere haserreak'e
hartu ditu nahiko gradu.
Denak erdera hutsean
dabiltza hemen ni salbu;
etorkizuna horrela
oso ustela daukagu.
Ez det juzgatzen dotore,
ez det juzgatzen ondradu,
hartz batek egiten duna
umeak egiten ez badu.
Hartz txikitxo bat da eta
Kamiltxo dauka izena,
Durangon ere izan zun
hain salmenta nabarmena.
Askoren ustez ote da
ekintzarikan gorena?
"Erosiozu haurrari"
etxe askotan ordena,
baina hor ikus liteke
barru-barruan garena;
zertan zabiltza erderaz
ai, hipokrita alena!
Nahiz hartza polita izan,
polita eta zuzena,
euskeraz egitea da
oparirik ederrena.
Hitzik ere ez dut jada
behin ipar hori galtzean;
orain bertan sentitzen naiz
atsekabetu antzean,
nere etxe bertan nago
amorruaren ertzean,
ezin besterik sentitu
horretaz konturatzean.
Zer izkutatzen dezute
opari horren atzean?
Euskara sartu behar degu
behin ta betiko trantzean.
Garbi geratu dadila,
gutxinez nere etxean:
euskara ez dago patrikan
baizik eta bihotzean.
Datu-base honetan eskainitako informazioari buruz jakiteko, kontsultatu lege oharra