Bertsoak - Fitxa ikusi Atal honi buruz gehiago jakiteko
2005-12-18 Barakaldo Txapelketa 16:30 [Bertsoa] / Amets Arzallus
2005-12-18 Barakaldo Txapelketa 16:30 [Bertsoa] / Amets Arzallus
Neurria:
Neurri berezikoak
Kokapena:
XDZ - Xenpelar Dokumentazio Zentroa
Hala beharrak egun batean
egin ninduen okina
poltsikoan itukina
nagusi jaunak beti beretzat
gordetzen du etekina. (bis)
Andrea eta hiru haur txiki
oso familia fina
zeinen talde poxpolina!
Baina goseak ta egarriak
dena nahia ta ezina
ta haurrak hola ikusi behar
horrek ematen dit mina. (bis)
Hilabetean hasieratan
indartsu dago kandela
txanpona eta papela
hilabetean hamarrerako
erdizka dago pastela; (bis)
hamabostean laurden bat soilik
zeinen irudi krudela!
Bi masailak mela-mela
hoita bostera iristen gara
arnas estuka bezela
eta lastima otsailan hila
urtean behin soilik dela. (bis)
Haurrek zapata pare bat dute
andreak juxtu bi gona
ta ez galdetu gizona.
Seirehun eta berrogei euro
soilik sartzen dira hona. (bis)
Leihora bota begiak eta
kanpora beha egona
ze miseria dagona!
Baina herria esku zabala
eta oso jende ona
eskerrik asko Afrika aldera
bidaltzearren txanpona. (bis)
Datu-base honetan eskainitako informazioari buruz jakiteko, kontsultatu lege oharra