Bertsoak - Fitxa ikusi Atal honi buruz gehiago jakiteko
2001-12-16 Donostia Txapelketa 11:00 [Bertsoa] / Igor Elortza
2001-12-16 Donostia Txapelketa 11:00 [Bertsoa] / Igor Elortza
Neurria:
Hamabikoa, handiaren moldekoa, 7 puntuz (hg) / Zazpi puntukoa, handiaren moldekoa (ip)
Kokapena:
XDZ - Xenpelar Dokumentazio Zentroa
Nik nire minak ta haserreak
kantatzen ditut benetan,
zer pasa zaidan amodioa
sentitutako egunetan.
Nere aurrean jende ugari
hor jartzen da buelta-bueltan;
ni hor neure kantuetan
ta beraiek edozertan.
Malko bat jaurti eta hasten dira
bikote harremanetan,
ta ni oholtzatik hor egoten naiz
haiei beha negarretan. (bis)
Ez dut gogoko halakoetan
nire aurreko ikusmira,
ni nire penak kontatzen eta
jendearen jira-bira.
Haiek musuka hor hasten dira
nik eginik despedida;
eta kantuen harira,
bikoteak sortu di-da.
Niretzat ez da polita, baina
zer gertatzen den begira:
mina sentitzen den egunetan
kantu onak egiten dira. (bis)
Nire kantuak dira askoren
maitasunaren hasera,
baina sekula ez zait gertatzen
niri beraien antzera.
Sarri heltzen naiz entzulegoa
benetan gorrotatzera;
arrakastaren aukera
izan leikela, bai zera!
Trasteak batu ta hauek hor doaz
goxo larrua jotzera;
ni furgonetan bakarrik sartu
eta negarrez etxera. (bis)
Datu-base honetan eskainitako informazioari buruz jakiteko, kontsultatu lege oharra