BDB Bertsolaritzaren datu-basea

Informazio orokorra

Kategoria

Bat-batekoa

Aldizkako Ekitaldia (Saioarena)

Bertsolari Txapelketa Nagusia (13. 2001)

Saioa

2001-12-16 Donostia Txapelketa 11:00

Gai-emailea

Jauregi, Saroi

Bertsolariak / Egileak

Iturriaga, Unai

Lana

Bakarka gaia-emanda

Jarritako gaia

Bizitzan hamaika lan egina zara, eta baita diru mordoska pilatu ere. Heriotza hurbil sumatu eta zure diru guztiei su ematea erabaki duzu. Suari begira, hiru bertso, nahi duzun neurri eta doinuan.

Deskribapena

Doinua

Munduan libre bizi izatea

Neurria / Estrofaren izena

Hamabikoa, handiaren moldekoa, 7 puntuz (hg) / Zazpi puntukoa, handiaren moldekoa (ip)

Bertso kopurua

3

Kokapena

Kokapena

XDZ - Xenpelar Dokumentazio Zentroa

Bilduma / Funtsa / Proiektua

Txapelketetako Bilduma

2001-12-16 Donostia Txapelketa 11:00 [Bertsoa] / Unai Iturriaga

Neurria:  Hamabikoa, handiaren moldekoa, 7 puntuz (hg) / Zazpi puntukoa, handiaren moldekoa (ip) 
Kokapena:  XDZ - Xenpelar Dokumentazio Zentroa 

---

Denetik neukan nire etxean:
hainbat diru, hainbat bitxi...
Jende gehienak badaki hori,
nahiz inoiz ez erakutsi.
Aurretik neuzkan printzipioei
nahi nien nik gogor eutsi;
txistua tinko iruntzi,
gero eskuak igurtzi.
Hau dena zertan erre dudan nik
azaltzen behar zait utzi:
nire ingurua ta familia
diruak ez dezan hautsi. (bis)


Inoiz pentsatu izan dut nik: hau
guztiok egin genuke,
dirua erre, horretarako
pasata hamaika urte;
neurri batean neure burua
igual zurituko nuke.
Parean dena da sute,
banuen nahiko entzute
nireganaino hurreratzeko
familiko hamaika putre,
baina nirekin horretarako
aukera haundirik ez dute. (bis)


Seguru nago pikutara joan
dala askoren amesa,
neba-arrebek esango dute
"hori zan hori pieza,
lehenengo alde eta hilurren
agertzea da erreza!".
Bizitza da gazi geza,
sarri alperrik da presa.
Nik dana sutan erretzea nuen
ai, aspaldiko amesa,
eta dirua euki nahi dunak
berak irabazi beza. (bis)