BDB Bertsolaritzaren datu-basea

Informazio orokorra

Kategoria

Bat-batekoa

Saioa

2006-09-09 Ordizia Jaialdia

Gai-emailea

Usarralde, Inaxio

Bertsolariak / Egileak

Lujanbio, Maialen

Lana

Bakarka gaia-emanda

Jarritako gaia

Gaur egun badirudi gehiengoak zer egin, horrela mugitzen garela. Gehiengoak hala uste du, gehiengoak hala egiten du... Besterik ez da agertzen egunkarietan ere. Baina kanta itzazu Maialen gutxiengoa izatearen plazerak.

Deskribapena

Neurria / Estrofaren izena

Hamarreko handia (hg) / Bost puntuko handia (ip)

Kokapena

Kokapena

XDZ - Xenpelar Dokumentazio Zentroa

Bilduma / Funtsa / Proiektua

Bapatean Bilduma

2006-09-09 Ordizia Jaialdia [Bertsoa] / Maialen Lujanbio

Neurria:  Hamarreko handia (hg) / Bost puntuko handia (ip) 
Kokapena:  XDZ - Xenpelar Dokumentazio Zentroa 

---

Norbera bada bakarra baino
besteak beti gehiago;
disimuloan ta artaldean
joatea igual nahiago.
Baina batzutan gutxiengoan
gaude ta ordun akabo!
Gutxiengoak beti amets bat
dauka gerorako klaro;
eta amets bat bizi duena
beti bizi-bizi dago.

Euskal Herria da adibide bat
estatuen arteko argi
ta Euskal Herri barruan ere
gutxiengoak nabari;
contracorriente dihoan harek
bidea luze ta haundi
baina pauso oro izan dezake
plazer txikitxo bat sari:
bere buruai fidela dela
ez besteren esanari.

Mundiala ta globala baita
egungo mundu ankerra
amen esaten ez duen hura
peligrosoa, okerra;
bide nagusi hori baino're
politago da bazterra;
gutxiengoa izatea da
benetan zaila den gerra;
hain zuzen ere zaila delako
da bide hori ederra.