BDB Bertsolaritzaren datu-basea

Informazio orokorra

Kategoria

Bat-batekoa

Aldizkako Ekitaldia (Saioarena)

Hernandorena Saria (2. 2006)

Saioa

2006-12-09 Aiherra Sariketa

Bertsolariak / Egileak

Arzallus, Maddalen

Gaztelumendi, Beñat

Lana

Binaka gaia-emanda

Jarritako gaia

Zu, Maialen, euskaltegian euskara ikasten ari den Senegalgo etorkin gaztea zara. Gaur, eskola bukatu ostean, Beñat irakaslearengana joan eta hau esan diozu: "Zurekin maiteminduta nago".

Deskribapena

Doinua

Kantatzera nijoa

Neurria / Estrofaren izena

Zortziko txikia (hg) / Lau puntuko txikia (ip)

Kokapena

Kokapena

XDZ - Xenpelar Dokumentazio Zentroa

Bilduma / Funtsa / Proiektua

Bapatean Bilduma

2006-12-09 Aiherra Sariketa [Bertsoa] / Maddalen Arzallus, Beñat Gaztelumendi

Neurria:  Zortziko txikia (hg) / Lau puntuko txikia (ip) 
Kokapena:  XDZ - Xenpelar Dokumentazio Zentroa 

---

M. Arzallus: Ni naiz neska zintzoa
ikasle formala
baina euskaraz ez dakit
da gauza normala;
baina adierazi
nahi nizuke hala:
nola esan nezake
maite zaitudala? (bis)

B. Gaztelumendi: Gogoz egiten dezu
aizu berriketa!
Nahiz euskerakin jardun
jira eta buelta
aurreratzea ez da
hain ona tarteka
azterketan galdetu
bihar nizun eta. (bis)

M. Arzallus: Azterketak izaten
ditugu guk usu
baina alde batera
utzi behar dituzu;
hitzekin esatea
zaila denez aizu
nere muxu batekin
ulertuko duzu. (bis)

B. Gaztelumendi: Odola jarria zait
neri irakiten;
ikasleek ez dute
hain sarri ekiten.
Nahiz euskeraz ez dezun
hain ondo jakiten
gutxinez ona zera
pelota egiten. (bis)

M. Arzallus: Nere hitzak neduzkan
barruan gordeta
baina utzi dezagun
behingoz berriketa;
bueno isilduko naiz
asmatu du eta.
Baina gaindi zaidazu
nere azterketa. (bis)

B. Gaztelumendi: Zu eskian ez hasi
egizu mesede;
muxu eman didazu
hementxe xelebre;
"o" gorri bat pintatu
dezu alafede;
joño zuk jarri dezu
zure nota ere! (bis)