Bertsoak - Fitxa ikusi Atal honi buruz gehiago jakiteko
2005-09-08 Alkiza Jaialdia [Bertsoa] / Sustrai Colina, Anjel Mari Peñagarikano
| Bertsoa entzun |
2005-09-08 Alkiza Jaialdia [Bertsoa] / Sustrai Colina, Anjel Mari Peñagarikano
Neurria:
Zortziko handia (hg) / Lau puntuko handia (ip)
Kokapena:
XDZ - Xenpelar Dokumentazio Zentroa
A.M. Peñagarikano:
Oporraldi bat nik igaro det
ta ez da izan hain luze
eta loreak ederrak neuzkan
haundi bikain eta heze;
konturatu naiz nere semeak
ez duela egin eze;
ximel-ximelak dauzkat loreak
bera dagon bezelaxe.
S. Colina:
Etorri eta begiratu du
balkoian dagon saskira;
errita eta bronka emanaz
oihukatu dit "Aski da!".
Hiru krabelin ta bi larrosa
ximeldu dira guztira;
loreak ximel-ximelak daude
Sustrai ederki bizi da.
A.M. Peñagarikano:
Gaur egunean ez da erreza
seme-alabei agintzen!
Esku onetan zeudela uste ta
oporretara joan nintzen;
ikusi ditut nolatan dauden
ez zait batere gustatzen.
Andragaiak'e alde egingo dik
ez baldin badek bustitzen!
S. Colina:
Barkatu baina ama zein zera
semeari agintzeko?
Nahikoa bainaiz koltxoia eta
kontzientzia astintzeko.
Nahiz ta loreak ximeldu diren
iazko udako antzeko
oraindik ere kapaza nauzu
maite dedana zaintzeko.
A.M. Peñagarikano:
Oain aitzekiak jartzen dituzu
gezurrak ez du balio!
Nik hemen neuzkan zazpi larrosa
bi klabel, lau geranio;
orain ximelak ta igartuta
zenbat letxe ta jenio!
Nahiago nuen alde eindakoan
kaskarren eman banio!
S. Colina:
Ama hasi behar al dezu orain
zure semea astintzen?
Nik onartzen dut: opor garaian
parrandan ibili nintzen;
orain loreak zergatik bota
ez al dira hor gelditzen?
Zu aspaldian ihartu zinen
eta ez zaitugu hiltzen.
Datu-base honetan eskainitako informazioari buruz jakiteko, kontsultatu lege oharra