Bertsoak - Fitxa ikusi Atal honi buruz gehiago jakiteko
2007-05-12 Bilbo Jaialdia [Bertsoa] / Arkaitz Estiballes, Fredi Paia
| Bertsoa entzun |
2007-05-12 Bilbo Jaialdia [Bertsoa] / Arkaitz Estiballes, Fredi Paia
Neurria:
Hamarreko txikia (hg) / Bost puntuko txikia (ip)
Kokapena:
XDZ - Xenpelar Dokumentazio Zentroa
F. Paia: Aiba Arkaitz al zara?
Ze zorte zenbat poz!
Hil zinala uste neban
ta hau mekauen zotz!
Halakorik ez jakun
tokau behar inoz!
Orain nago iragana
aritzeko asmoz:
ostutako kromoak
non arraio dagoz? (bis)
A. Estiballes: Garai hartan kromoekin
jolasten genbiltzan
ta lapurtzen nizkizun
nik zure gerizan.
Lapurra beti lapur
dogunez bizitzan
askoz lapurragoa
ezin neike izan:
oin BBVn nago
ta zuzendaritzan. (bis)
F. Paia: Berba hoiek non dute
munduan tokia?
Zuretzako lanpostu
guztiz egokia;
beti izan zara lapur
haundi bildurtia
beti praka zaharrekin
zure aitzakia.
Jarraitzen du txikitan
bezain gezurtia. (bis)
A. Estiballes: Zuk maite zenituen
bertso ta kantua
badakit hortarako
zendun talentua
gero anai bat hobea
irten zan kontua...
Ondino bertsolari
hori meritua!
Nahi badozu emango
deutsut kreditua. (bis)
F. Paia: Bat-batean Arkaitzek
zenbat egi dion!
Anaia bat baneukan
bai hobea inon
ta txapel bat deutsie
orain gitxi emon;
baina orain hamar urte
ai zenbat zorion!
A ze kokotekoak
ematen nizkion! (bis)
A. Estiballes: Orduan ginen gazte
lerdo ta mukizu
ta zu astokilo bat
ni ai zenbat izu...
Baina orain puesto bat
diru eta pisu
eta bi goardaespaldas
ere ditut aizu;
kokotekoak honek
emango dizkizu! (bis)
F. Paia: Beraz jarraitzen duzu
betiko peskizan:
astegunez lanean
domekaz elizan.
Txikitan elkarrekin
txiripaz genbiltzan
ia hamar urte barru
gaur gu gauden gisan
topatzen garen eta
txarrago ez den izan! (bis)
A. Estiballes: Gaztetan egin genun
hamaika pintada!
Polizia atzetik
barre eta algara...
Utopia hoiek ahaztu
nituen nik hara!
Zu be PNVkoa
ja izango zara...
Urteak aurrera joan
espabilau behar da! (bis)
F. Paia: Ez nik ondino daukat
bihotzeko sena:
bereizten dut arazo
haundi ta problema;
ez naiz diruzalea
ez astakirtena.
Jarraitzen duzu lehen
zinan bezain pelma!
Ez ikusiarena
eingo dut hurrena. (bis)
A. Estiballes: Ez ikusia egin
bazaude aurrean
bota duzu arrazoi bat
behintzat azkenean!
Ni han goian despatxuan
naukazu lanean
ta lehengo lagun zaharrak
garenez planean
etorri zaitez zerbait
behar duzunean. (bis)
Datu-base honetan eskainitako informazioari buruz jakiteko, kontsultatu lege oharra