BDB Bertsolaritzaren datu-basea

Informazio orokorra

Kategoria

Bat-batekoa

Saioa

2008-04-19 Urretxu Jaialdia

Gai-emailea

Elizasu, Unai

Bertsolariak / Egileak

Paia, Fredi

Lana

Bakarka gaia-emanda

Jarritako gaia

Zu jaio baino zazpi urte lehenago zerbait pasa zen zure herrian, gaurko egunez. Badakizu zer? Edo gaia jartzen jarraituko dut?

Deskribapena

Doinua

Abokatuak deitu berri dit

Neurria / Estrofaren izena

Hamabiko handia (hg) / Sei puntuko handia (ip)

Kokapena

Kokapena

XDZ - Xenpelar Dokumentazio Zentroa

Bilduma / Funtsa / Proiektua

Bapatean Bilduma

2008-04-19 Urretxu Jaialdia [Bertsoa] / Fredi Paia

Neurria:  Hamabiko handia (hg) / Sei puntuko handia (ip) 
Kokapena:  XDZ - Xenpelar Dokumentazio Zentroa 

---

Memoria egiten hasita
sarri geratzen naiz apal.
Hasieran hauxe pentsatu dut:
"Espabilau zaite chaval!"
Heriotza bat Algortan bertan
ta faxista bezain legal.
Batzuk ahaztua izango dute
besteek jakin ez igual.
Halan da ere memoriarik
nola ezin dezakedan sal
gaurko egunez hil zuten Txikia
Eustakio Mendizabal. (bis)

Algortako tren geltoki hartan
txakurrak ziren atzetik.
Han bi gudari ospa in zutenak
bakoitza alde bakoitzetik.
Eustakiok gure etxerantza
salto egin trenbideetatik...
Tiro hotsa, sirenak atzean
berak arin aldatzetik...
Errepidean hamahiru tiro
euren pistola beltzetik
ta gu abertzale sortu ginan
espaloiko odoletik. (bis)

Mural haundi bat bazegoen lehen
kolorez gorri ta baltza.
Gurasoek azaldu ziguten
hori ez zela izan txantxa.
Lurrean ere segi tiroka
amilduaz esperantza
ta gorpu bat hantxe utzi zuten
dana odol ta lokatza.
Baina ez ahaztea dugunez
herri zapalduen martxa
oraindik ere han zutik dago
Txikiaren enparantza. (bis)