Bertsoak - Fitxa ikusi   Atal honi buruz gehiago jakiteko

2008-08-17 Bilbo Jaialdia [Bertsoa] / Amets Arzallus, Anjel Mari Peñagarikano

Bertsoa entzun  

Informazio orokorra

Kategoria
Bat-batekoa
Saioa
2008-08-17 Bilbo Jaialdia
Gai-emailea
Urrutikoetxea, Urtzi
Bertsolariak / Egileak
Arzallus, Amets
Peñagarikano, Anjel Mari
Lana
Binaka gaia-emanda
Jarritako gaia
Atletak zarete. Urte osoan elkarrekin entrenatu zarete; orain Olinpiadak datoz eta kamiseta desberdinekin hartuko duzue parte: batak Frantziakoarekin eta besteak Espainiakoarekin.

Deskribapena

Doinua
Gure herriko bikariuak
Neurria / Estrofaren izena
Zortziko handia (hg) / Lau puntuko handia (ip)

Kokapena

Kokapena
XDZ - Xenpelar Dokumentazio Zentroa
Bilduma / Funtsa / Proiektua
Bapatean Bilduma

2008-08-17 Bilbo Jaialdia [Bertsoa] / Amets Arzallus, Anjel Mari Peñagarikano

Neurria:  Zortziko handia (hg) / Lau puntuko handia (ip) 
Kokapena:  XDZ - Xenpelar Dokumentazio Zentroa 

A.M. Peñagarikano: Kirolaria beti ibiltzen da
izerdia dariola
badakizue horren ordainez
soldatapean dagola.
Irabaztean entzun dezaket
nik himnoa española.
Eun bategatik hala izateak
ez dit batere ajola.

A. Arzallus: Ba neretzako postu onena
litzateke laugarrena
ze Marsellesa aditu behar
horrek ematen dit pena.
Eta Sarkozyk ere eskua
luzatuko dit hurrena
ta Carla Brunik gero bi muxu
Tira! Hori da onena.

A.M. Peñagarikano: Ta neri berriz mutil haundi bat
esku ematen berehala
iruditzen zait izango dala
ridikulo mundiala.
Gero entzungo det "Español zikin
lapur edo anormala".
Kobratu eingo det eta nahi dunak
nahi duna esan dezala!

A. Arzallus: Baina etxean nere etxean
emango didate leña
ta egia esan hori ez da ba
nik bilatzen nuen heina.
Kazetariak zuk garaitzean
baietz gogotik enpeña!
Marcan titular jarriko dute
"¡Mira que grande es Peña!"

A.M. Peñagarikano: Titularretan "¡Qué grande Peña!"
ta argazkia atzean
ta esamesa ugari berriz
une hortara heltzean
baina badakit ze berba izan
nere mingainan ertzean
ta ikurrina eramango det
baina nere bihotzean.

A. Arzallus: Ai ene Peña! Zai zenbat jendek
eman behar dizun muxu
ta ikurrina ta holakoak
zuk barrurako dituzu.
Baina engaino bat ez al da hori?
Kargu hartzen dizut aizu!
Hain bihotzean baldin baduzu
agerian behar duzu.

Datu-base honetan eskainitako informazioari buruz jakiteko, kontsultatu lege oharra