Bertsoak - Fitxa ikusi Atal honi buruz gehiago jakiteko
2010-02-21 Usurbil Jaialdia [Bertsoa] / Ainhoa Agirreazaldegi, Andoni Egaña
| Bertsoa entzun |
2010-02-21 Usurbil Jaialdia [Bertsoa] / Ainhoa Agirreazaldegi, Andoni Egaña
Neurria:
Zortzikoa, handiaren moldekoa, 4 puntuz (hg) / Lau puntukoa, handiaren moldekoa (ip)
Kokapena:
XDZ - Xenpelar Dokumentazio Zentroa
A. Egaña:
Zenbaitentzat berria da
beste zenbaitentzat zaharra
batzuntzat hala besteentzat
ez liteke izan txarra.
Nahiz agorero eta ezkorrak
hor dabiltzan barra-barra
gu euskaldunoi esperantza da
geratzen zaigun indarra.
A. Agirreazaldegi:
Egizkoa izango den
sekula ez da jakiten
esperantzaren indarra
borborka dut irakiten
seguru nago gaitezkeela
zulo honetatik irten
asmatu ezkero kanpoko gezi
zorrotzei ez kasu egiten.
A. Egaña:
Gezi tiratzaile hoiek
suma genitzake estu
euskal gizartea bada
horren heldu horren prestu.
Etorkizuna orain jarri da
gizarte zibilan esku
nere iritziz prozesu honek
atzera bueltarik ez du.
A. Agirreazaldegi:
Saiakera bat, bi, hiru
eta laugarrena bueltan
baina eroso ez al gaude
gu azken hamarkadetan
etxean edo antzokietan
eserita silloietan?
Herriko plazan bildu beharko da
igande arratsaldeetan.
A. Egaña:
Eta gizartea ehundu
bileratikan harago
elkarrekin egin hainbat
lan, festagune ta trago
burua beti amets eginez
baina lurrean bi zango.
Gu oso baikor ai gera baina
errexa ez da izango.
A. Agirreazaldegi:
"Konponbidea nahi dugu"
nahiz maiz hala egin hitza
krisian ikusten ditut
gizartea, herrigintza.
Zai egon gabe geuk egitea
hori da lehen premisa
herri bat izan nahi baldin badeu
joka’zagun herri gisa.
Datu-base honetan eskainitako informazioari buruz jakiteko, kontsultatu lege oharra