Bertsoak - Fitxa ikusi   Atal honi buruz gehiago jakiteko

2010-04-17 Mendexa Jaialdia [Bertsoa] / Sustrai Colina, Jone Uria Albizuri

Bertsoa entzun  

Informazio orokorra

Kategoria
Bat-batekoa
Saioa
2010-04-17 Mendexa Jaialdia
Gai-emailea
Txakartegi, Asier
Bertsolariak / Egileak
Colina, Sustrai
Uria Albizuri, Jone
Lana
Binaka gaia-emanda
Jarritako gaia
Andre-gizonak zarete. Zuen semea ez da itzuli etxera, eskolatik irten eta gero. Gau guztia lo egin barik pasatu duzue. Arratsaldean aurkitu dute, borda batean gaua pasatuta. Umea ondo dago, baina gaua heldu da, ohean sartu zarete, baina ezin duzue lorik egin.

Deskribapena

Doinua
Elizan sartu ziradenian A
Neurria / Estrofaren izena
Zortziko handia (hg) / Lau puntuko handia (ip)

Kokapena

Kokapena
XDZ - Xenpelar Dokumentazio Zentroa
Bilduma / Funtsa / Proiektua
Bapatean Bilduma

2010-04-17 Mendexa Jaialdia [Bertsoa] / Sustrai Colina, Jone Uria Albizuri

Neurria:  Zortziko handia (hg) / Lau puntuko handia (ip) 
Kokapena:  XDZ - Xenpelar Dokumentazio Zentroa 


S. Colina:

Hamaikak jota ohera sartu
eguneroko bezela
hurrengo goiza nahi ordurako
iristen zaigu bestela.
Laztana ezin dut begirik bildu
malkoz eta mela-mela
seguru nago alde egin badu
nere kulpa izan dela.


J. Uria:

Alde egin zuen ta ibili zen
beste etxeetan bitarte
zorionean ez zuen jaso
hark ez min eta ez kalte.
Zure errua dela eta ez dela
esaten zabiltz jo ta ke
zure burua ez jo erruduntzat
berak ezer esan arte.


S. Colina:

Barka laztana baina ez daukat
zertan utzi ardurarik
Neure errua izan da dena
hortan ez daukat dudarik.
Agian zerbait esango digu
sinisten duzu jadanik
ze pasako da ez baldin badu
esateko konfiantzarik?


J. Uria:

Orain artean sentitu gara
gure neurrian errudun
gaua pasatu zuen bakarrik
hotz, triste ta horren ilun.
Konfiantzarik ez ote duen
galdezka zabiltza lagun
baina ez dakit guk galdetzeko
konfiantzarik daukagun.


S. Colina:

Neronek behintzat ez dut izango
hori eskatzeko gibela!
Zuk badakizu harremanean
betitik motza naizela.
Bere gelara noa korrika
ia tximista bezela
konprobatu nahi bainuke bertan
lotan goxo ari dela.


J. Uria:

Bai joan zaitez ta arakatu
goitik beheraino logela
gure semea galtzeko dugu
eta arrisku itzela.
Ekar ezazu gure ohera
ta jar gaitezen horrela
txikitan lo egin ezin zuenean
egiten genuen bezela.

Datu-base honetan eskainitako informazioari buruz jakiteko, kontsultatu lege oharra