Bertsoak - Fitxa ikusi   Atal honi buruz gehiago jakiteko

2010-02-28 Gernika-Lumo Jaialdia [Bertsoa] / Sustrai Colina, Unai Iturriaga

Bertsoa entzun  

Informazio orokorra

Kategoria
Bat-batekoa
Saioa
2010-02-28 Gernika-Lumo Jaialdia
Gai-emailea
Goikoetxea, Josu
Bertsolariak / Egileak
Colina, Sustrai
Iturriaga, Unai
Lana
Binaka gaia-emanda
Jarritako gaia
Azaleko berbetatik harago joan behar duzuen gai horietako bat da hau. Zu, Unai, izango zara Euskal Herriko negua, luzaroan bizi izan dugun negua, eta zu, Sustrai, izango zara ate-joka dabilen udaberria. Baina kontuz! Harroegi ikusten duzu udaberria.

Deskribapena

Doinua
Haurtxo txikia negarrez dago I
Neurria / Estrofaren izena
Zortziko handia (hg) / Lau puntuko handia (ip)

Kokapena

Kokapena
XDZ - Xenpelar Dokumentazio Zentroa
Bilduma / Funtsa / Proiektua
Bapatean Bilduma

2010-02-28 Gernika-Lumo Jaialdia [Bertsoa] / Sustrai Colina, Unai Iturriaga

Neurria:  Zortziko handia (hg) / Lau puntuko handia (ip) 
Kokapena:  XDZ - Xenpelar Dokumentazio Zentroa 

U. Iturriaga:

Negu haundirik baldin badago
neu naz handia handitan
geratzeko etorri izan naz
ez naz etorten bisitan.
Zure poz hori azaldu aurretik
pentsatu eizu birritan
lehen be negutik udazkenera
pasatu gara sarritan.


S. Colina:

Egia da bai negu gorria
izan da azken bolada
baina hegotik soma nezake
epeldu gaitun ufada.
Zu irenstera nator negua
lehoi bat banintz gisara
oraingoan bai pasako gara
udaberritik udara.


U. Iturriaga:

Ai udabarri ez ete zagoz
realidadetik kanpo?
Negu hotz honi ezingo jako
gainetik erraz ein salto.
Gainera lagun pilo bat dodaz
hemen ta hemendik kanpo
hemen negua dan bitartean
Madrilen uda dalako.


S. Colina:

Baina Madrilen ez dago ezer
ez dago esan beharrik
hemen klima aldaketa dator
badator aro ederrik.
Gaurtik aurrera ez du egingo
ez izotzik ez elurrik
momentu hontan hoztu gaitzake
goizeko ihintzak bakarrik.


U. Iturriaga:

Udaberria beti ei dabil
poesiarantza jotzen
gero martxoa heldu ta urtero
izaten da beti motzen.
Neguak hemen dau bizileku
etxekoen zein arrotzen
zuk txiribita asko buruan
baina ez dozu berotzen.


S. Colina:

Nahiz badakidan diztira duen
oro ez dugula urre
ene negua udaberriaz
ez zaite jarri haserre.
Denon artean landu dezagun
daukaguna aurrez aurre
eta San Juanek esango dute
nor berotu ta zer erre.

Datu-base honetan eskainitako informazioari buruz jakiteko, kontsultatu lege oharra