Bertsoak - Fitxa ikusi Atal honi buruz gehiago jakiteko
2000-05-07 Oiartzun Jaialdia [Bertsoa] / Jexux Mari Irazu Muñoa, Maialen Lujanbio
| Bertsoa entzun |
2000-05-07 Oiartzun Jaialdia [Bertsoa] / Jexux Mari Irazu Muñoa, Maialen Lujanbio
Neurria:
Zortziko txikia (hg) / Lau puntuko txikia (ip)
Kokapena:
XDZ - Xenpelar Dokumentazio Zentroa
Irazu:
Egia da gau txarra
ez gendun igaro,
eman beharrekoak
emana zeharo;
baina nere gorputza
honetan akabo,
agujetaik ez daukan
lekurik ez dago!
Lujanbio:
Gorputza agujetaz
goraino jarria,
Irazu gizajuak
osasun larria;
atzoko gaua eta
gaur dator berria...
gauz asko izan leike
ikaragarria.
Irazu:
Aspaldian zabiltza
indartsu antzeko,
ni eskas antxekua
zuri segitzeko;
nahiz saiatuko naizen
guztia lortzeko,
ez zaidazu esan dana
errepikatzeko.
Lujanbio:
Behingoz probatu gendun
ohe gaine baten,
eta egia esan
ez zan gaizki irten;
nahiz atzoko esprinai
ezin merituik ken,
ia gaur maratoia
egin genezakeen.
Irazu:
Odolik ere ez zait
irtetzen zainetik
ta zuk adar-jotzia
berriz ordainetik;
zikatriza oraindik
nere ezpainetik...
gaur zu saltatu zaite
armaio gainetik.
Lujanbio:
Nik ez nuen bizitu
Irazuk bezela,
goatu hamar minutun
erdi lo zeundela;
ta armaiuarena
sorpresa itzela...
uste det amets asko
egin zenuela.
Irazu:
Aberia bistan da,
adieraztea...
ez nuen arriskutan
burua haustea;
zu gaizki zabiltzala
momentu tristea,
nere kulpa al da zu
berandu hastea?
Lujanbio:
Badakit armaiuan
gora igo zela,
eta salto egin zun,
zer egin bestela?
Baina ez zazute pentsa
etzan zanik bela,
saltoka segi zuen
umeak bezela.
Irazu:
Ta zuk segitu zendun
pausuan-pausuan,
lotu nahi nizun eta
azpiko lazuan;
dena esan bihar da
behar dan kasuan:
nik ez dakit Viagra
zeinek hartu zuan.
Lujanbio:
Ez ginan ez aritu
xuabe-xuabe,
orain agujetakin
biak nahiko grabe;
honetan alde on bat
badago halare:
eskapada ein degula
txupoirikan gabe.
Datu-base honetan eskainitako informazioari buruz jakiteko, kontsultatu lege oharra