Bertsoak - Fitxa ikusi   Atal honi buruz gehiago jakiteko

2000-04-15 Gabiria Sariketa [Bertsoa] / Ekaitz Goikoetxea, Iker Zubeldia

Bertsoa entzun  

Informazio orokorra

Kategoria
Bat-batekoa
Saioa
2000-04-15 Gabiria Sariketa
Gai-emailea
Murua, Iñaki
Bertsolariak / Egileak
Goikoetxea, Ekaitz
Zubeldia, Iker
Lana
Binaka gaia-emanda
Jarritako gaia
Gabirin bada aharizale ezagun bat Noare baserrikoa, guk Noare hots egiten diogu berari ere, eta ahariak entrenatzeko nahiko inbentu bitxia dauka: bera kotxean joaten da eta aharia sokatik lotu eta korrikan atzetik. Zu, Iker, Noare zara eta Ekaitz aharia.

Deskribapena

Doinua
Dama gazte xarmant bat
Neurria / Estrofaren izena
Zortziko txikia (hg) / Lau puntuko txikia (ip)

Kokapena

Kokapena
XDZ - Xenpelar Dokumentazio Zentroa
Bilduma / Funtsa / Proiektua
Bapatean Bilduma

2000-04-15 Gabiria Sariketa [Bertsoa] / Ekaitz Goikoetxea, Iker Zubeldia

Neurria:  Zortziko txikia (hg) / Lau puntuko txikia (ip) 
Kokapena:  XDZ - Xenpelar Dokumentazio Zentroa 


E. Goikoetxea:
Ford Fiesta xaharrari
hartu ziot usai,
azeleratu eta
ez natxiok lasai;
belozidade ona
ezina eta ai,
ezin diat gehio ta
polikio jun ai. (bis)

Zubeldia:
Lehengoan egin zidan
latza komeria,
nunbait egin bainuen
frenazo haundia;
hau degu martxea ta
ta hau degu harria,
orain jarri beharko det
piloto berria! (bis)

E. Goikoetxea:
Apustun ikusi nahi
ninukek nabarmen,
baina nik ez zeukeat
uste aina kemen;
patxada gehixeago
ipini zak hemen,
hil egingo nauk eta
iritsi baino lehen! (bis)

Zubeldia:
Batzutan arrastaka,
bestetan korrika,
gure ahari hauxe
hain geldoa baita!
Halare asmatu det
sistema polita:
prueba egin behar det
aurretik jarrita. (bis)

E. Goikoetxea:
Autoan ipinita
mendi ta karrikan,
aldamenetik hasi
ez haiz ba kritikan!
Gogorik ez zeukiat
nere partetikan,
lehen'e ematen didak
ipurtzulotikan! (bis)

Zubeldia:
Ahari polita ta
kuriosoa haiz,
talkean aritu haiz
askotan eta maiz;
kopeta gogorra diat
ta ohartu nauk garaiz:
aharia saldu ta
neu hasi behar naiz. (bis)

Datu-base honetan eskainitako informazioari buruz jakiteko, kontsultatu lege oharra