Bertsoak - Fitxa ikusi Atal honi buruz gehiago jakiteko
2002-10-26 Andoain Hitzaldia 18:00 [Bertsoa] / Sustrai Colina
Bertsoa entzun |
2002-10-26 Andoain Hitzaldia 18:00 [Bertsoa] / Sustrai Colina
Neurria:
Hamaikakoa, handiaren moldekoa, 8 puntuz (hg) / Zortzi puntukoa, handiaren moldekoa (ip)
Kokapena:
XDZ - Xenpelar Dokumentazio Zentroa
Orain bortizki, orain suabe
ez daude lasai, ez daude bare...
Nere ondora etorri dira
soltero bat, bi ezkongabe (bis)
desioaren mirabe
nigana heltzen dirade
harro-harro, lotsagabe;
jantziak bota eta biluzik
geratzean parez pare
nik kontzientzia jantzia daukat
beraiek biluzik daude. (bis)
Larunbatero-larunbatero
hamarrak laurden gutxitan edo
apaiz zaharra bilakatzen da
nere altxorren bezero. (bis)
Nahiz ta ez nuen espero
ipini nau bero-bero
bere arima goian bego!
Puru ta guzti bertsolari bat
ez zait ba etorri gero!
Zer kantatua euki nahi zuen
gaia tokatu ezkero. (bis)
Hogei eurotan dena dut saldu
maitasuna ta arima salbu
esku beroko kamioilari bat
parera baitzait azaldu. (bis)
Lehenik zakila laztandu
ta gero gorputza landu
ezin denborarik galdu...
hasi orduko orgasmo honek
azken arnasa eman du
eta beste bat engainatzeko
oraindik ez da berandu. (bis)
Datu-base honetan eskainitako informazioari buruz jakiteko, kontsultatu lege oharra