2002-04-20 Getxo Sariketa [Bertsoa] / Iñigo Mantzizidor "Mantxi", Fredi Paia

Bakoitza zuen aldetik dantza ikastaro batera apuntatu zarete. Mantxi neska eta Fredi mutila. Bikote modura jarri zaituzte irakasleak, baina laugarren asterako Mantxi neskak bikote aldaketa eskatu du.

Deskribapena

Neurria / Estrofaren izena: Zortziko txikia (hg) / Lau puntuko txikia (ip)

Kokapena

Kokapena: XDZ - Xenpelar Dokumentazio Zentroa
Bilduma / Funtsa / Proiektua: Bapatean Bilduma

2002-04-20 Getxo Sariketa [Bertsoa] / Iñigo Mantzizidor "Mantxi", Fredi Paia

Neurria: Zortziko txikia (hg) / Lau puntuko txikia (ip)
Kokapena: XDZ - Xenpelar Dokumentazio Zentroa

Mantxi:
Kursillora apuntatu
hutsetik ihesi
eta horrelakorik
ez nuen merezi.
Bikote aldaketa
hobe degu kasi
arritmiko batekin
ezin da ikasi. (bis)

F. Paia:
Bi hankekin dantza ta
eskuez fereka
nik ondo pasatu dut
neskatxa uneka.
Hau da neska guztiek
darabilten treta:
lau egun pasa eta
bikote aldaketa. (bis)

Mantxi:
Topikoak aipatuz
nolako zarata!
Nigana etorri zan
onena zala-ta.
Dantza pegatuetan
ematen dun lata!
Gehiago mugitzen du
hirugarren hanka! (bis)

F. Paia:
Bizitza asko daukat
beheko atalean
mugitzen dut pistaren
luze-zabalean
paso-doblearekin
eginahalean
askozaz hobea naiz
horizontalean. (bis)

Mantxi:
Horizontalean zu
omen zabiltza fin
baina probatu gabe
ezin hori jakin;
pasodoblea aipatu
dezu arin-arin
nahiago det zugandik
paso doble egin. (bis)

F. Paia:
Nahiago du nerekin
paso doble egin
ni neskato kontuan
ez naiz ibiltzen fin.
Bikote bat nahi eta
hura aurkitu ezin
jarraitu beharko dut
aurreskuarekin. (bis)

Datu-base honetan eskainitako informazioari buruz jakiteko, kontsultatu lege oharra

BDB Bertsolaritzaren datu-basea

Bertsoak - Fitxa ikusi Atal honi buruz gehiago jakiteko