Bertsoak - Fitxa ikusi Atal honi buruz gehiago jakiteko
2002-08-22 Bilbo Jaialdia [Bertsoa] / Fredi Paia
Bertsoa entzun |
2002-08-22 Bilbo Jaialdia [Bertsoa] / Fredi Paia
Neurria:
Hamarreko handia (hg) / Bost puntuko handia (ip)
Kokapena:
XDZ - Xenpelar Dokumentazio Zentroa
Lagun bat badut Paris aldean
ta izena dauka Manex
gaur goizaldean bisita egiten
haraino heldu naiz kotxez.
Leku oso onak ez daude handik
baina behintzat La Sante ez!
Barrura sartu eta esan dit
"Fredi Bilbon zabiltzanez
lehen tragoa hartu ezazu
kartzelan gaudenen partez". (bis)
Kabinan sartu "Aupa!" esanda
hor hasi gara polito
orduan penak hasten zaizkigu
beti ere gurekiko
funtzionarioak txakurrak legez
ei dabiltzala betiko...
Baina halare holan esan dit
begietara "Mutiko!
Zuek kalean gogor jarraitu
guk ez baitugu etsiko". (bis)
Hori izan da nire bisita
agertu dizuet jada
herri honek behar du adorea ta
goitik beherako patxada
une gogorrak biziagatik
aurrerantza ari gara
esandakoak aipatu ditut
lehen eskatu erara
esandakoak alperrik dira
ezer egiten ez bada. (bis)
Datu-base honetan eskainitako informazioari buruz jakiteko, kontsultatu lege oharra