BDB Bertsolaritzaren datu-basea

Informazio orokorra

Kategoria

Bat-batekoa

Saioa

2003-10-11 Urruña Lagun-artekoa

Gai-emailea

Goikoetxea, Josu

Bertsolariak / Egileak

Lujanbio, Maialen

Mendiluze, Aitor

Lana

Binaka gaia-emanda

Jarritako gaia

Senar-emazteak zarete. Aitorrek bihotzez maite du Maialen, baina bada gauza bat batere gustatzen ez zaiona. Aitor zerbait kontatzen hasi, eta beti, beti, beti Maialenek moztu egiten dio, eta berak segitzen du istorioa.

Deskribapena

Doinua

Dama gazte xarmant bat

Neurria / Estrofaren izena

Zortziko txikia (hg) / Lau puntuko txikia (ip)

Kokapena

Kokapena

XDZ - Xenpelar Dokumentazio Zentroa

Bilduma / Funtsa / Proiektua

Bapatean Bilduma

2003-10-11 Urruña Lagun-artekoa [Bertsoa] / Maialen Lujanbio, Aitor Mendiluze

Neurria:  Zortziko txikia (hg) / Lau puntuko txikia (ip) 
Kokapena:  XDZ - Xenpelar Dokumentazio Zentroa 

---

A. Mendiluze:
Bakarrik egiten det
kontuen hasera
zuk jarraitzen dezu ta
heldu amaitzera.
Nortasun kontuekin
garbi daukat zera:
batzuk bikoitza dute
nerea zu zera. (bis)

M. Lujanbio:
Hizketan jartzen dezu
hainbeste interes.
Saiatzen zera baina
gero asmatzen ez
dena erdizka kontatzen
baitezu zuk berez:
erdia oker eta
erdia aldrebes. (bis)

A. Mendiluze:
Buruan dudana da
histori itzela
jakinda jarraitzera
zu zeu zoazela.
Hasten zera trabatu
banintza bezela
denek pentsatzen dute
totela naizela. (bis)

M. Lujanbio:
Totela ez zerala
orain argi dago
baina hitzeiten dezu
maite hain luzaro.
Txikikeriatxo bat
kontatzeko klaro
kontatzen hasten zera
lau egun lehenago. (bis)

A. Mendiluze:
Hola txikikeri bat
istori aparta
baina ezin bukatu
jaunak hau da marka!
Hasi beharko det zuri
kristonak botaka
haserre zaudenean
ixiltzen zera ta. (bis)

M. Lujanbio:
Ni're haserretzen naiz
besteak bezala
baina jakin hala're
segiko dedala
ta gure bikotea
gizarte bat dala:
hemen ere nagusi
bertsio ofiziala! (bis)

A. Mendiluze:
Oraintxe istori bat
etorri zait neri:
"Bazen behin emazte bat?"
hola hasi bedi
"asko hitz egiten zuen
askotan gehiegi?"
beno orain maitea
hortikan zuk segi. (bis)

M. Lujanbio:
Gizonak dionari
ez ein kasurikan.
"Bazen behin emazte bat"
dio hika-mikan.
Jendea aspertuta
daukazu praktikan.
Hoi lehen kontatu dezu
zaude ixilikan! (bis)

A. Mendiluze:
Behin zerbait esango ta
hemen ez da giro!
Ni xuabe hasi naiz ta
ondotikan tiro.
Diozu ez dezadala
kontatu berriro
zuk kontatu didazu
aldiro-aldiro. (bis)

M. Lujanbio:
Zurekin ezin leike
irten kale bueltan
lotsagarri uzten nazu
toki guzietan.
Betikoa gertatu
zaigu hemen bertan:
mundu guztia ixilik
eta gu hizketan. (bis)

A. Mendiluze:
Berriz adarra jo nahi
sorgin gaizto horrek
ta zer esan dezake
gizon zintzo batek?
Aizu dibortzioa
eskatu dezaket
behingoz istorio bat
nik bukatuko det! (bis)

M. Lujanbio:
Ze dibortzio, ze istori
alperrik zabiltza!
Benga goazen etxera
komeni dan gisa.
Dena erantzuten dit
hau da hau paliza.
beti berak behar du
azkeneko hitza! (bis)