2004-01-24 Donostia Lagun-artekoa [Bertsoa] / Amets Arzallus, Imanol Lazkano

Imanolek idatzi berri duen liburuan Ametsen hitzek ere badute lekua. Ametsen hitzek hala diote: "Haurrari aitonaren eskuak erakutsi dio bideak non dituen zuloak, eta aitonaren behatzak seinalatu dio bideak non duen atajua. Horiek gustatzen zaizkio bilobatxoari, sekretu horiek."

Deskribapena

Doinua

Mendiko umea naiz

Neurria / Estrofaren izena

Zortziko txikia (hg) / Lau puntuko txikia (ip)

Edukiari buruz

Pertsonak

Arzallus, Amets

Lazkano, Imanol

Kokapena

Kokapena: XDZ - Xenpelar Dokumentazio Zentroa
Bilduma / Funtsa / Proiektua: Bapatean Bilduma

2004-01-24 Donostia Lagun-artekoa [Bertsoa] / Amets Arzallus, Imanol Lazkano

Neurria: Zortziko txikia (hg) / Lau puntuko txikia (ip)
Kokapena: XDZ - Xenpelar Dokumentazio Zentroa

A. Arzallus:
Puntutan nola egin behar dan
kontatu zaidazu.
I. Lazkano:
Aitonak badaduka
nahi dan hainbat mezu.
A. Arzallus:
Egin behar al diot
ondokoai kasu?
I. Lazkano:
Neri entzunda ondo
ikas dezakezu.

I. Lazkano:
Ahal bada segi zazu
aitonen urratsa
A. Arzallus:
hola ondo pasatu
nitzazke arratsak.
I. Lazkano:
Zu zerade guretzat
biharko esperantza
A. Arzallus:
amonek ez badute
astintzen erratza.

A. Arzallus:
Horiek ere fuerte
etorriko dira
I. Lazkano:
beti ez zaitez egon
amonei begira
A. Arzallus:
baina iloba hortikan
ikasten ari da
I. Lazkano:
hortik igo nahi dezu
bertsoen gurdira.

I. Lazkano:
Bizitza hola da-ta
hortatik ikasi;
A. Arzallus:
aizu, nola behar da
plazaz plaza hasi?
I. Lazkano:
Gizatasunak izan
behar du nagusi
A. Arzallus:
hori beharko didazu
zuk zeuk erakutsi.

A. Arzallus:
Hori eskolan nola
ez degun ikasten
I. Lazkano:
horregatik dakigu
hoik nola doazten;
A. Arzallus:
bukatzen baino errezago
izaten da hasten
I. Lazkano:
ikasi behar dezu
geureari eusten.

I. Lazkano:
Patxara dezu gazte
gauzik prezisona
A. Arzallus:
hori beti izan da
bertute bat ona;
I. Lazkano:
pixkana egiten da
munduan gizona
A. Arzallus:
baina laister ez a(ha)l naiz
egingo aitona?!

A. Arzallus:
Ordun idatzi beharko
det nik liburua
I. Lazkano:
hortako argi izan
behar da burua
A. Arzallus:
baina mereziko dun
ez da segurua
I. Lazkano:
bai maitatzen badezu
gure ingurua.

I. Lazkano:
Lehena ez da txar ta
lehenari eutsi
A. Arzallus:
nik lehendik datorrenik
ez nuke nahi hautsi;
I. Lazkano:
horregatik behar da
geurean sinetsi
A. Arzallus:
zerbait etorri dadin
bihar edo etzi.

A. Arzallus:
Nola hitz egiten da
aho bizarrik gabe?
I. Lazkano:
Horretarako jaio
behar baita trebe
A. Arzallus:
eta ni ez ote naiz
dohai horren jabe?
I. Lazkano:
Ikasten saiatzea
zeuretzako hobe.

I. Lazkano:
Gauzak ikasten dira
pixkana-pixkana
A. Arzallus:
hargatik etorri naiz
aitonarengana;
I. Lazkano:
nik ere jarri dizut
gerorako plana
A. Arzallus:
baina ondo betetzen
izango da lana.

A. Arzallus:
Amona hor ari da
bazkaia prestatzen
I. Lazkano:
beraz ziur da jana
ta ez nau kezkatzen;
A. Arzallus:
dena hoztu baino lehen
sukaldera goazen
I. Lazkano:
tripa ondo betetzea
baitegu eskatzen.

I. Lazkano:
Horrenbestez bukatu
zagun gure festa
A. Arzallus:
gehiegi luzatzean
gauza onik ez da;
I. Lazkano:
gu bertsotan ai gera
ta hark afaia presta
A. Arzallus:
zuek segi zazute
sagardoz gainezka.

Datu-base honetan eskainitako informazioari buruz jakiteko, kontsultatu lege oharra

BDB Bertsolaritzaren datu-basea

Bertsoak - Fitxa ikusi Atal honi buruz gehiago jakiteko