Bertsoak - Fitxa ikusi   Atal honi buruz gehiago jakiteko

1999-10-23 Zegama Jaialdia [Bertsoa] / Iñaki Murua

Bertsoa entzun  

Informazio orokorra

Kategoria
Bat-batekoa
Saioa
1999-10-23 Zegama Jaialdia
Gai-jartzailea
Azkune, Laxaro
Bertsolariak / Egileak
Murua, Iñaki
Lana
Bakarka gaia-emanda
Jarritako gaia
Amodioa edo maitemina edozein adinetan lora daitekeela esaten da. Zer berezitasun ditu haurtzaroan, gaztaroan, helduaroan eta zahartzaroan?

Deskribapena

Neurria / Estrofaren izena
Zortziko handia (hg) / Lau puntuko handia (ip)

Kokapena

Kokapena
XDZ - Xenpelar Dokumentazio Zentroa
Bilduma / Funtsa / Proiektua
Bapatean Bilduma

1999-10-23 Zegama Jaialdia [Bertsoa] / Iñaki Murua

Neurria:  Zortziko handia (hg) / Lau puntuko handia (ip) 
Kokapena:  XDZ - Xenpelar Dokumentazio Zentroa 

Amodioa hurbiltzen zaigu
guri txiki-txikitatik,
behin sartu eta ez du irtetzen
bihotzan erdi-erditik.
Haurtzarokoa da goxoena
ta esango det zergatik:
trago goxotan edaten baita
amaren bularretatik.

Gaztarokoa uda garaian
koskortzeko esamina,
nerabezaro aldi horretan
maitatzeko ahalegina;
amets artean, maindiren artean,
bietan ez nahi dan aina;
biak batera izaten ditu:
zoriona ta samina.

Udazkenera iritsi al naiz?
Sinistea're hau lana!
Maitasunean daramakit nik
etxeko bi haurren ama.
Oraindik ere maitasun finez
joaten naiz berarengana
eta uste det oraintxe dala
gehien maitatzen dudana.

Zahartzaroa negu beltza da,
hori dator azkenean,
ta maitasunak segi dezala,
segi dezala lanean;
huts egin gabe makulu gisan
pertsonen aldamenean,
nik ere euskarri izan dezadan
elbarritzen naizenean.

Datu-base honetan eskainitako informazioari buruz jakiteko, kontsultatu lege oharra