Bertsoak - Fitxa ikusi   Atal honi buruz gehiago jakiteko

1999-07-11 Belauntza Jaialdia [Bertsoa] / Jexux Mari Irazu Muñoa, Aitor Mendiluze

Bertsoa entzun  

Informazio orokorra

Kategoria
Bat-batekoa
Saioa
1999-07-11 Belauntza Jaialdia
Gai-jartzailea
Aizpurua, Karlos
Bertsolariak / Egileak
Irazu Muñoa, Jexux Mari
Mendiluze, Aitor
Lana
Binaka gaia-emanda
Jarritako gaia
Aitor bere etxean dago gauez; ekaitza, tximita, trumoia, euria... eta bakar-bakarrik dago etxean. Eta halako batean norbaitek atea jo du, hurbildu da atera, galdetu ere bai "nor da?", eta Jexux Marik erantzun "heriotza naiz, zure bila nator".

Deskribapena

Kokapena

Kokapena
XDZ - Xenpelar Dokumentazio Zentroa
Bilduma / Funtsa / Proiektua
Bapatean Bilduma

1999-07-11 Belauntza Jaialdia [Bertsoa] / Jexux Mari Irazu Muñoa, Aitor Mendiluze


Kokapena:  XDZ - Xenpelar Dokumentazio Zentroa 


Mendiluze:
"Herioa naiz, zugana nator",
diozu adiskidea,
ez dakit zuzen zabiltzan eta
konprobatu helbidea.

Irazu:
Nik helbidea eskuratu ta
propio etorri naiz hona,
ai Mendiluze, zuretzat dator
biaje merke ta ona

Mendiluze:
Biajatzea debalde bada
guztiok degu atsegin,
baina zergatik zatoz nigana
nik ez badizut hots egin.

Irazu:
Hots egin ez ta etorria naiz,
sentitzen dezun trantzea!
Pena haundirik ez izateko
onena gazte hiltzea.

Mendiluze:
Egia da bai gazte hil eta
pozik gintezke gertatu,
baina hoi ez da bizitzea ta
penak nahi ditut probatu.

Irazu:
Probatu laiste probatu leizke,
berta-bertatik ikusi,
begira nola etorri naizen
nere sega eta guzi.

Mendiluze:
Nigana sega hartuta zatoz
baina atetik igaro,
gainera aizu, konsejutxo bat:
hoi modaz pasia dago.

Irazu:
Hoi ez da behin'e modaz pasatzen,
argi ibili zaitia,
azken orduan onena dezu
errezatzera joatia.

Mendiluze:
Joatea hobe zuk zenduke bai
beste batena nolanahi,
hartara norbait poztuko dezu,
besteak ez baina ni bai.

Irazu:
Nere eskutatik, barkatu baino,
ez da libratuko inor,
leheno beste bat eramana det
orain zure bila nator.

Mendiluze:
Alper-alperrik segiko dezu
kontu horrekin ate joka,
horrelakorik ez det desio
ez dizut irekiko ta.

Irazu:
Zuk ez iriki, sartu behar
eta eraman nabarmen,
eta gainera izan behar du
ekaitza pasa baino lehen.

Mendiluze:
Etor zaite ba eta auzi hau
molda zagun nolabaite,
borondateaz eta diruaz
dena konpondu daiteke.

Irazu:
Bion artian ordun tratua
egin genezake garaiz,
zu juan zaite nere tokian,
ni hemen geldituko naiz.

Mendiluze:
Jungo nitzake zure tokian
halako momentu baten,
baina pena det, sotana beltzak
neri ez dit ondo ematen.

Irazu:
Belaxe ondo emango dizu,
hain zera gizon prestua!
Maiteminduta ez zaude baino
eman zaidazu eskua.

Mendiluze:
Eskua eman ez ta ostikoz
joko zaitut zuzenian,
ta ea hobeto moldatzen geran
hurrena zatozenian.

Datu-base honetan eskainitako informazioari buruz jakiteko, kontsultatu lege oharra