BDB Bertsolaritzaren datu-basea

Informazio orokorra

Kategoria

Bat-batekoa

Saioa

1999-10-23 Zegama Jaialdia

Gai-jartzailea

Azkune, Laxaro

Bertsolariak / Egileak

Agirre, Joxe

Peñagarikano, Anjel Mari

Lana

Binaka gaia-emanda

Jarritako gaia

Joxe Agirreren baserrira azaldu da Peña, saltzailea. Ez zuen uste Joxe aterako zitzaionik atera, baina Joxe atera zaio. Produktu afrodisiakoak saltzen hasi zaigu orain, eta ez dakit zergatik joan izango den Orandara.

Deskribapena

Neurria / Estrofaren izena

Zortziko txikia (hg) / Lau puntuko txikia (ip)

Kokapena

Kokapena

XDZ - Xenpelar Dokumentazio Zentroa

Bilduma / Funtsa / Proiektua

Bapatean Bilduma

1999-10-23 Zegama Jaialdia [Bertsoa] / Joxe Agirre, Anjel Mari Peñagarikano

Neurria:  Zortziko txikia (hg) / Lau puntuko txikia (ip) 
Kokapena:  XDZ - Xenpelar Dokumentazio Zentroa 

---

Peñagarikano:
Saltzaileak badauka
gaur nahikoa treta,
baten karpeta eta
bestean maleta.
Nik afrodisiakoz
dakarkit beteta,
zuri saldu nahiean
beharrean zaude ta. (bis)

J.Agirre:
Beharbada laster juango
naiz ni mundutikan,
baina ez det mudatu nahi
bizimodutikan.
Engainatu nahi nazu
gaur zuk kontutikan,
nei ez diazu galduko
lehengo kondutikan! (bis)

Peñagarikano:
Orandara heldu naiz
holako produktoz,
nonbait etxe hontara
saltzaileak datoz.
Gainera etorri naiz
zuri saldu asmoz,
zure andreak deitu dit
neri telefonoz. (bis)

J.Agirre:
Hau ere iritsi zait
gaur halabeharrez
ta ezin hartuko det
hain jenio txarrez.
Orain arte kontua,
besterik ezer ez;
zer jenero daukazun
zuk esan mesedez. (bis)

Peñagarikano:
Jeneroa esan gabe
nik ezin det laga,
ta oraintxe izango da
hortako bolada.
Egañak esan duna
egia beharbada,
ez ote dezun eman
azken puztankada. (bis)

J.Agirre:
Erantzun nahi nizuke
umil eta bare;
lotsagabez bazera
edozeinen pare.
Hontaz aurrera gutxi
eingo badet ere,
zu bezela ez nago
demostratu gabe. (bis)

Peñagarikano:
Nunbait zure inguruan
badira birjinak,
honek esaten ditu
hain kontu zikinak.
Erosiko al dizkit
oain nagusi finak,
lenteja tankerako
pastila urdinak? (bis)

J.Agirre:
Neri ez dit inportarik
urdin edo gorri,
baina kontuarekin
ez zaitez etorri.
Zerbaiten beharrian
zu zaude zerori,
lodituko bazaizu
lepo alu hori. (bis)

Peñagarikano:
Honi pastilak saltzen
nik badaukat lana
ta ezin det onartu
oain berak esana.
Zeorri zabiltza oker,
nagusi laztana,
zerorrek dadukazu
loditzen ez dana. (bis)

J.Agirre:
Nolanahi kontatzen du
hain gauza lizuna,
pentsa behar zendun zerbait
esango nizuna.
Nik nola daukatan da
zuk ez dakizuna,
zuk dezu ezer ein gabe
mehetuko zaizuna. (bis)

Peñagarikano:
Entzun al diozue
honi albistea?
Nik ez nuen pentsatzen
horta iristea.
Lodituko zaidala
badaukat ustea,
bai prestatzen badezu
zeure emaztea. (bis)

J.Agirre:
Hola mintzatzen da hau
bakinat alditan,
holaxen jarduten du
hirutatik bitan.
Esaten du dagola
hain sasoia haunditan
ta azkenian amona
baten inbiritan. (bis)