Bertsoak - Fitxa ikusi   Atal honi buruz gehiago jakiteko

1999-07-10 Lesaka Jaialdia [Bertsoa] / Sebastian Lizaso, Maialen Lujanbio

Bertsoa entzun  

Informazio orokorra

Kategoria
Bat-batekoa
Saioa
1999-07-10 Lesaka Jaialdia
Gai-jartzailea
Fernandez, Estitxu
Bertsolariak / Egileak
Lizaso, Sebastian
Lujanbio, Maialen
Lana
Binaka gaia-emanda
Jarritako gaia
Maialen akupuntorarengana joan zara zu, Xebastian, eta lehenbiziko sesioan hor hasi zaizu orratzak sartzen eta sartzen, azkenean oihu bat egin duzun arte.

Deskribapena

Neurria / Estrofaren izena
Zortziko txikia (hg) / Lau puntuko txikia (ip)

Kokapena

Kokapena
XDZ - Xenpelar Dokumentazio Zentroa
Bilduma / Funtsa / Proiektua
Bapatean Bilduma

1999-07-10 Lesaka Jaialdia [Bertsoa] / Sebastian Lizaso, Maialen Lujanbio

Neurria:  Zortziko txikia (hg) / Lau puntuko txikia (ip) 
Kokapena:  XDZ - Xenpelar Dokumentazio Zentroa 

Lujanbio:
Gizon honek daukana
nahia ta ezina,
beso banatan sartu
dizkat orratz bina;
garraxia egin du
ahal zunik haundina,
hain gizon handia ta
horren kaxkarina! (bis)

S.Lizaso:
Akupunturarekin
behar zenbait tratu,
goxo-goxo hasi ta
gerora baldartu.
Aurretik esatea
ez baitzait ohartu,
leku sensibleetan
orratzik ez sartu. (bis)

Lujanbio:
Honek barrua dauka
aitzekiz beteta,
alperrikakoa da
bere berriketa.
Leku sensibleeri
nork jarri arreta,
zentimetroko azala
dadukazu eta?

S.Lizaso:
Nahiz ta aurretik nitun
mila amets egin,
akupunturarekin
nahi hainbat etekin.
Baina ez daukat giro
mediku honekin
zezena ematen dut
banderillarekin! (bis)

Lujanbio:
Bere azal gainean
nahiko grasa batu,
loditu egin zaio
eta nork zulatu?
Orratzekin ezin det
konponbideik hartu,
mailu ta iltzeekin
behar det probatu: (bis)

S.Lizaso:
Alperrikan ez zazu
hartu hainbat neke,
zuregana heldu naiz
sendagaian eske
ta gainera fatura
ez dago hain merke;
lehengoak atera ta
zu hor konpon zaite! (bis)

Datu-base honetan eskainitako informazioari buruz jakiteko, kontsultatu lege oharra